កាលពីពេលថ្មីៗនេះ ក្រុមហ៊ុន Meta Platforms Inc បានប្រកាសថា ពួកគេបានតំឡើងប្រាក់ឈ្នួលសម្រាប់កងអង្គរក្សដែលការពារសុវត្ថិភាពសហស្ថាបនិក Mark Zuckerberg និងក្រុមគ្រួសារលោក បន្ថែម ៤ លានដុល្លារ ពោលប្រាក់ឈ្នួលថ្មីគឺមានចំនួន ១៤ លានដុល្លារ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ការតំឡើងប្រាក់ឈ្នួល ៤០% សម្រាប់ក្រុមការពារសុវត្ថិភាពមេធំម្នាក់នេះ ធ្វើឡើងបន្ទាប់ពីក្រុមហ៊ុនបានបញ្ឈប់បុគ្គលិកអស់រាប់ពាន់នាក់ និងកាត់បន្ថយការចំណាយផ្សេងៗ។ នេះបើតាមការចុះផ្សាយពី CNA។
គួររំលឹកដែរថា បុរសវ័យ ៣៨ ឆ្នាំរូបនេះ កំពុងឈរនៅលេខរៀងទី ១៦ នៃបញ្ជីមហាសេដ្ឋីមានបំផុតលើលោក រៀបរៀងដោយ Forbes ហើយកាលពីឆ្នាំ ២០២១ រូបលោកទទួលបានប្រាក់ប្រចាំឆ្នាំប្រហែល ២៧ លានដុល្លារ ប៉ុន្តែសម្រាប់ទិន្នន័យឆ្នាំទៅ ក្រុមហ៊ុននៅមិនទាន់បញ្ចេញរបាយការណ៍នៅឡើយ៕
