ផ្លែមៀនវៀតណាម កំពុងទទួលបានការគាំទ្រខ្លាំងនៅប្រទេសជប៉ុន បើទោះជាវាមានតម្លៃថ្លៃខ្លាំង ប៉ុន្តែកាលៈទេសៈមួយនេះក៏ផ្ដល់អត្ថប្រយោជន៍ខ្លាំង ដល់កសិករក្នុងស្រុកផងដែរ។ នេះបើតាមការចុះផ្សាយពី Vietnamplus។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ដោយឡែក ប្រធានក្រុមហ៊ុន Hoang Phat Fruite Ltd Company លោក Nguyen Khac Huy បានបង្ហើបថា គិតត្រឹមដើមឆ្នាំនេះ វៀតណាមនាំចេញផ្លែមៀនទៅកាន់ជប៉ុនជើងទីមួយ មានទំហំដល់ទៅ ១០ តោន ហើយក៏នឹងរំពឹងថា ការនាំចេញតាមផ្លូវទឹក និងផ្លូវអាកាសអាចកើនរហូតដល់ចន្លោះពី ៧០-១០០ តោនទៅកាន់ទីផ្សារជារៀងរាល់ខែ។
សម្រាប់តម្លៃរបស់ផ្លែមៀនវៀតណាមលើទីផ្សារជប៉ុនវិញគឺ ប្រហែល ៣២០ ០០០ ដុង ឬប្រមា ១៣,៥ ដុល្លារ/គីឡូ ហើយបើទោះជាមានតម្លៃថ្លៃដូចមាសបែបនេះ តែវាត្រូវបានលក់ដាច់អស់ត្រឹមរយៈពេលខ្លី។
គួររំលឹកដែរថា វៀតណាមកំពុងដាំដុះផ្លែមៀនលើផ្ទៃដីទំហំ ៨០ ០០០ ហិចតា ហើយអាចទទួលបានទិន្នផលប្រមាណ ៦០០ ០០០ តោនជារៀងរាល់ឆ្នាំ៕
