កាលពីថ្ងៃទី ២៦ កុម្ភៈកន្លងទៅ ឯកអគ្គរដ្ឋទូតសហភាពអឺរ៉ុបរបស់ចិន Fu Cong បាននិយាយថា ប្រធានគណៈកម្មការអឺរ៉ុប Ursula von der Leyen និងប្រធានក្រុមប្រឹក្សាអឺរ៉ុប Charles Michel អាចនឹងធ្វើដំណើរទស្សនកិច្ចទៅកាន់ប្រទេសចិន។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពី Reuters បានឲ្យដឹងថា ដំណើរទស្សនកិច្ចរបស់មេដឹកនាំ EU ទាំង ២ រូប អាចកើតមាននៅឆមាសទីមួយនៃឆ្នាំ ២០២៣ ខណៈលោក Fu បង្ហើបថា ចិនកំពុងត្រៀមខ្លួនទទួលមន្ត្រីជាន់ខ្ពស់របស់ EU ទាំង ២ រូប។
គួររំលឹកដែរថា មួយរយៈពេលចុងក្រោយនេះ ទំនាក់ទំនងរវាងចិន និងសហភាពអឺរ៉ុបមិនសូវជាអំណោយផលប៉ុន្មានឡើយ ពោលអ្នកការទូតអឺរ៉ុបធ្លាប់ថ្កោលទោសចិនថា មិនព្រមអើពើនឹងការដាក់ទណ្ឌកម្មសេដ្ឋកិច្ចលើរុស្ស៊ី ជុំវិញការឈ្លានពានទៅលើអ៊ុយក្រែន។
លោក Fu ក៏ធ្លាប់បង្ហើបកាលពីខែធ្នូដែរថា សង្គ្រាមនៅអ៊ុយក្រែនបានរុញច្រានឲ្យចិនធ្លាក់ក្នុងស្ថានការណ៍ដ៏លំបាកមួយ ជាមួយនឹងសហភាពអឺរ៉ុប៕
