ផ្នែកមួយចំនួននៃបទសម្ភាសន៍រយៈពេលជាង ៣០នាទី របស់ទូរទស្សន៍អាស៊ី Channel News Asia ជាមួយនឹងលោកឧកញ៉ាបណ្ឌិត គីម ហ៊ាង អគ្គនាយក បុរី វិមានសំណាង នឹងមានផ្សាយលើទូរទស្សន៍នៅដើមខែកក្កដា ហើយវីដេអូពេញ អាចនឹងមានផ្សាយលើទំព័រហ្វេសប៊ុក បណ្ឌិត គីម ហ៊ាង នៅដើមខែសីហា ឆ្នាំ២០២៣។
លោកឧកញ៉ាបណ្ឌិត គីម ហ៊ាង បានបង្ហើបឱ្យដឹងលើទំព័រហ្វេសប៊ុករបស់លោក កាលពីថ្ងៃអង្គារម្សិលមិញ យ៉ាងដូច្នេះថា៖ “ផ្នែកខ្លះ នៃបទសម្ភាសន៍ជាង ៣០នាទី របស់ទូរទស្សន៍អាស៊ី និយាយជាភាសាអង់គ្លេស ដែលមានការិយាល័យនៅ សិង្ហបុរី (Channel News Asia) ជាមួយខ្ញុំបាទ គីម ហ៊ាង ដោយផ្តោតទៅលើប្រទេសកម្ពុជា និងប្រជាជនកម្ពុជា តាំងពី ២០ឆ្នាំមុន បច្ចុប្បន្ន និងទៅអនាគត ឆ្នាំ២០ទៀត នឹងមានផ្សាយលើទូរទស្សន៍ Channel News Asia នៅថ្ងៃទី០៦ ខែកក្កដា ឆ្នាំ២០២៣ ហើយវីដេអូពេញជាង ៣០នាទី អាចនឹងមានផ្សាយលើ Page បណ្ឌិត គីម ហ៊ាង Dr. Kim Heang នៅដើមខែសីហា ឆ្នាំ២០២៣”។
ឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាល KH GROUP មានបទពិសោធន៍ជាង២០ឆ្នាំ លើវិស័យអចលនទ្រព្យនៅកម្ពុជា។ បច្ចុប្បន្នលោកកំពុងមានមុខជំនួញជាច្រើនពាក់ព័ន្ធវិស័យអចលនទ្រព្យ ក្នុងនោះរួមមាន បុរី វិមានសំណាង, បុរី ខេអេស រ៉េស៊ីដេន, សំណាងលែន, Khmer Real Estate Co., Ltd និងជាប្រធាន KW Cambodia។ លោកឧកញ៉ា ក៏ជាអតីតប្រធាន Asean Valuers Association (AVA) 2016, អតីតប្រធាន Asean Real Estate Network Alliance (ARENA) 2018 និងអតីតប្រធាន Cambodian Valuers and Estate Agents Association (CVEA) 2015-2018 ផងដែរ៕
