ឧកញ៉ាបណ្ឌិត គីម ហ៊ាង ប្រធានស្ថាបនិក KW Cambodia ប្រកាសអញ្ជើញ ធានា និងចេញលុយឱ្យសមាជិក KW Cambodia ដែលជួយលក់ផ្ទះវីឡា នៅបុរី វិមានសំណាង បានគ្រប់ផែនការចំនួន ៥០នាក់ ទៅចូលរួមកម្មវិធី KW Family Reunion ប្រចាំឆ្នាំ២០២៤ នៅទីក្រុង Las Vegas សហរដ្ឋអាមេរិក ដោយឥតគិតថ្លៃ នៅចុងខែកុម្ភៈ ឆ្នាំ២០២៤។
លោកឧកញ៉ាបណ្ឌិត គីម ហ៊ាង បានឱ្យដឹងថា ប្រូម៉ូសិនពិសេសនេះ គឺសម្រាប់ភ្នាក់ងារ ដែលជួយលក់ផ្ទះវីឡានៅបុរី វិមានសំណាង បានគ្រប់ផែនការចំនួន ៥០នាក់។ កាលពីថ្ងៃទី១៦ ខែកុម្ភៈ ឆ្នាំ២០២៣ កន្លងទៅ លោកឧកញ៉ា ក៏បានដឹកនាំប្រធានសាខា KW ទាំង៥ និងសមាជិក សរុបចំនួន ១៧រូប ទៅចូលរួមកម្មវិធី KW Family Reunion ប្រចាំឆ្នាំ២០២៣ នៅ Anaheim Convention Center នារដ្ឋ California សហរដ្ឋអាមេរិក ដែលមានសមាជិកចូលរួមសរុបប្រមាណជាង ២ម៉ឺននាក់ មកពី ៥២ប្រទេស និង ៥ទ្វីបលើពិភពលោកផងដែរ។
សូមជម្រាបថា Keller Williams Realty International ជាក្រុមហ៊ុនអចលនទ្រព្យធំជាងគេមួយ ដែលមានប្រភពមកពីអាមេរិក មានសាខានៅលើ ៥ទ្វីប ៥៥ប្រទេស និងមានសមាជិករាប់សែននាក់។ KW Family Reunion 2024 នឹងប្រព្រឹត្តិធ្វើនៅថ្ងៃទី ២៥ ដល់ ២៩ ខែកុម្ភៈ ឆ្នាំ២០២៤ នៅទីក្រុង Las Vegas សហរដ្ឋអាមេរិក ដោយមានសមាជិកមកពីរាប់សិបប្រទេសចូលរួម ហើយ KW Cambodia ក៏នឹងចូលរួមផងដែរ៕
