កូនប្រុសម្ចាស់ក្រុមហ៊ុន ហនុមាន ទទួលសញ្ញាបត្រថ្នាក់អនុបណ្ឌិត ពីប្រទេសអង់គ្លេស

លោក ផន មុតសុក្រឆពណ្ណ ហៅ Richie ដែលជាកូនប្រុសរបស់លោកស្រី ខៀវ សស៊ីលៀប ស្ថាបនិកា និងអគ្គនាយិកាក្រុមប្រឹក្សាភិបាល នៃក្រុមហ៊ុន ហនុមាន ប៊ែវើរីជីស បានទទួលសញ្ញាបត្រថ្នាក់អនុបណ្ឌិត ផ្នែកអាជីវកម្មអន្តរជាតិ និងការគ្រប់គ្រងសកល (International Businesses and Global Management) ពីសាកលវិទ្យាល័យ King’s College London នៅទីក្រុងឡុងដ៍ ប្រទេសអង់គ្លេស។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

លោកស្រី ខៀវ សស៊ីលៀប បានបង្ហោះសារអបអរសាទរកូនប្រុស នៅទំព័រហ្វេសប៊ុក កាលពីថ្ងៃទី១៨ ខែមករា ឆ្នាំ២០២៤ ជាភាសាអង់គ្លេស ដែលមានន័យជាភាសាខ្មែរយ៉ាងដូច្នេះថា៖ “កូនបានផ្តល់ហេតុផលជាច្រើន ដើម្បីឱ្យម៉ាក់មានមោទនភាពយ៉ាងខ្លាំង ដែលមានកូនជាកូនម៉ាក់។ រឿងដែលមានមោទនភាពបំផុតរបស់ម៉ាក់ គឺការប្រាប់ដល់អ្នករាល់គ្នាថា អ្នកគឺជាកូនប្រុសរបស់ម៉ាក់។ សូមអបអរសាទរ សម្រាប់សមិទ្ធផលដ៏ពិសេសនេះ, អនុបណ្ឌិត ផ្នែកអាជីវកម្មអន្តរជាតិ និងការគ្រប់គ្រងសកល នៅ King College។ កូនបានខិតខំប្រឹងប្រែងខ្លាំងណាស់។ ម៉ាក់និងប៉ា នឹងបន្តញញឹមមើលកូនដើរឆ្លងកាត់ជំហានជាបន្តបន្ទាប់ក្នុងជីវិតរបស់កូន។ ប៉ាម៉ាក់ស្រលាញ់កូនជារៀងរហូត”។

សាកលវិទ្យាល័យ King’s College London ជាសាកលវិទ្យាល័យដ៏ចំណាស់មួយរបស់ប្រទេសអង់គ្លេស ដែលបានបង្កើតឡើងតាំងពីឆ្នាំ១៨២៩។ King’s College London បានជាប់ឈ្មោះជាសាកលវិទ្យាល័យបែបស្រាវជ្រាវល្អបំផុត លំដាប់ទី៦ ក្នុងប្រទេសអង់គ្លេស កាលឆ្នាំ២០២១ និងចំណាត់ថ្នាក់សាកលវិទ្យាល័យល្អបំផុត លេខរៀងទី៣៥ នៅលើពិភពលោក ក្នុងឆ្នាំ២០២៣។ សាកលវិទ្យាល័យនេះ បានបណ្តុះបណ្តាលនិស្សិតប្រមាណជាង ២៥ម៉ឺននាក់ នៅជុំវិញពិភពលោក។

គួររំឭកថា លោក ផន មុតសុក្រឆពណ្ណ កូនប្រុសរបស់លោកឧត្តមសេនីយ៍ទោ ម៉ឹង ពន្លក អគ្គនាយក នៃអគ្គនាយកដ្ឋានភស្ដុភារ ហិរញ្ញវត្ថុ ក្រសួងការពារជាតិ និងលោកស្រី ខៀវ សស៊ីលៀប បានរៀបអាពាហ៍ពិពាហ៍ដ៏ធំជាមួយកញ្ញា តាំង ប៉ោហ្គិច ហៅ Jade កាលពីថ្ងៃទី០១ ខែតុលា ឆ្នាំ២០២៣។ ពិធីមង្គលអាពាហ៍ពិពាហ៍ត្រកូលអភិជននាពេលនោះ មានការអញ្ជើញចូលរួមដ៏ខ្ពង់ខ្ពស់ ពីប្រមុខថ្នាក់ដឹកនាំកំពូលៗរបស់រាជរដ្ឋាភិបាល និងអ្នកឧកញ៉ា គិត ម៉េង អ្នកឧកញ៉ា ភាព ហៀក អ្នកឧកញ៉ា លាង ម៉េង អ្នកឧកញ៉ា សំ អាង អ្នកឧកញ៉ា ហ៊ុន តូ រួមទាំងអ្នកឧកញ៉ា ឧកញ៉ា និងអ្នកមុខអ្នកការលើវិស័យជំនួញផ្សេងៗជាច្រើនរូបទៀតផងដែរ៕

អត្ថបទទាក់ទង