លោក ខុត សីហា នាយកប្រតិបត្តិក្រុមហ៊ុន អូខេអិន មេឌា (គេហទំព័រឧកញ៉ាញូស៍) កាលពីថ្ងៃទី១៨ ខែមេសា ឆ្នាំ២០២៤ បានដឹកនាំក្រុមការងារ គេហទំព័រឧកញ៉ាញូស៍ (Oknha News) អញ្ជើញចូលរួមបុណ្យសព មហាឧបាសកអ្នកឧកញ៉ា គឹម ចំរើន (លឹម តេកអៀក) ដែលត្រូវជាឪពុកបង្កើតរបស់លោកជំទាវ គឹម ចាន់ណា (ភរិយា អ្នកឧកញ៉ា លាង ម៉េង) និងត្រូវជាឪពុកក្មេករបស់អ្នកឧកញ៉ា លាង ម៉េង ដែលបានធ្វើមរណកាល កាលពីថ្ងៃពុធ ៩កើត ខែចេត្រ ឆ្នាំរោង ឆស័ក ព.ស. ២៥៦៧ ត្រូវនឹងថ្ងៃទី១៧ ខែមេសា ឆ្នាំ២០២៤ វេលាម៉ោង ១០:០៥ នាទីព្រឹកក្នុងជន្មាយុ ៨៣ឆ្នាំ ដោយជរាពាធ។
លោក យិន សំបូរ សហស្ថាបនិក និងជាប្រធានផ្នែកទំនាក់ទំនងសាធារណៈនៃគេហទំព័រឧកញ៉ាញូស៍ សូមសម្តែងនូវទុក្ខវិប្បយោគជាមួយ អ្នកឧកញ៉ា ព្រមទាំងក្រុមគ្រួសារ យ៉ាងដូច្នេះថា៖ “ខ្ញុំបាទ និងថ្នាក់ដឹកនាំ Oknha News សូមចូលរួមរំលែកទុក្ខដ៏ក្រៀមក្រំបំផុតជូនចំពោះ អ្នកឧកញ៉ា លាង ម៉េង សហស្ថាបនិកក្រុមហ៊ុន ជីប ម៉ុង និងលោកជំទាវ គឹម ចាន់ណា ព្រមទាំងក្រុមគ្រួសារ ចំពោះមរណភាពរបស់ មហាឧបាសក អ្នកឧកញ៉ា គឹម ចំរើន (លឹម តេកអៀក) ដែលត្រូវជាឪពុកបង្កើតរបស់លោកជំទាវ គឹម ចាន់ណា និងត្រូវជាឪពុកក្មេករបស់អ្នកឧកញ៉ា លាង ម៉េង ដែលបានធ្វើមរណកាល កាលពីថ្ងៃពុធ ទី១៧ ខែមេសា ឆ្នាំ២០២៤ វេលាម៉ោង ១០:០៥ នាទីព្រឹកក្នុងជន្មាយុ ៨៣ឆ្នាំ ដោយជរាពាធ”។
សូមគោរពជម្រាបជូន សម្ដេច ឯកឧត្ដម លោកជំទាវ អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា ផងដែរថា ពិធីបុណ្យខួបគម្រប់ ៧ថ្ងៃ និង១០០ថ្ងៃ មហាឧបាសក អ្នកឧកញ៉ គឹម ចំរើន នឹងប្រារព្ធធ្វើឡើងនៅថ្ងៃចន្ទ ទី២២ ខែមេសា ឆ្នាំ២០២៤ ចាប់ពីម៉ោង ២:៣០នាទី រសៀល នៅផ្ទះលេខ២៣ ផ្លូវ១៧ គម្រោង០២ បុរី ប៉េង ហួត បឹងស្នោរ សង្កាត់និរោធ រាជធានីភ្នំពេញ។
អាស្រ័យហេតុនេះ សូមគោរពអញ្ជើញភ្ញៀវកិត្តិយសទាំងអស់ ចូលរួម និងអនុមោទនាទទួលយកនូវបុណ្យកុសល្យតាមកម្លាំងសទ្ធាជ្រះថ្លារៀងៗខ្លួន។
