ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងជាប្រធាន FASMEC បានបន្តដឹកនាំ និងរៀបចំកម្មវិធីសិក្ខាសាលាស្ដីពី “ការអភិវឌ្ឍន៍អាជីវកម្មក្រោយបរិបទកូវីដ១៩” ជូនសមាជិក សមាជិការបស់ FASMEC នៅខេត្តរតនគិរី នៅថ្ងៃទី១៣ ខែមិថុនា ឆ្នាំ២០២៤។
![](https://www.oknha.news/wp-content/uploads/2024/06/image-377-1024x682.png)
ក្នុងវគ្គសិក្ខាសាលាខាងលើនេះ ក៏មានការអញ្ជើញចូលរួមបើកកម្មវិធីដោយ លោក ងិន ណែល អភិបាលរង ខេត្តរតនគិរី ព្រមទាំងដៃគូសហការឧបត្ថម្ភនានា មានដូចជា សមាគមមូលនិធិសម្តេចតេជោ,សហគ្រិនខ្មែរ,ធនាគារ វីង ម.ក,ធនាគារកាណាឌីយ៉ា,ធនាគារហ្វីលីព ព្រមទាំងដៃគូសហការផ្សេងៗទៀត រួមទាំងSME ចូលរួមប្រមាណ២០០នាក់ផងដែរ។
គួរឲ្យដឹងថា គោលបំណងនៃកម្មវិធីសិក្ខាសាលាខាងលើនេះ គឺដើម្បីចែករំលែកអំពីខ្សែសង្វាក់ទីផ្សារក្នុងស្រុក និងការនាំចេញ និង ផ្សព្វផ្សាយច្បាប់ថ្មីស្ដីពីការវិនិយោគនៅកម្ពុជាដល់ប្រជាជន ព្រមទាំងជួយបំពេញបន្ថែមនូវចំណេះដឹងដែលម្ចាស់សហគ្រាសធុនតូច និងមធ្យមក្នុងខេត្តនៅមានចំណុចខ្វះខាត។
![](https://www.oknha.news/wp-content/uploads/2024/06/image-378-1024x683.png)
សូមជម្រាបជូនថា សមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និង សម្ព័ន្ធសមាគមសហគ្រាសធុនតូច និងមធ្យម កម្ពុជា(FASMEC) កន្លងមកតែងតែរៀបចំកម្មវិធីសិក្ខា សាលាស្តីពី «ការអភិវឌ្ឍន៍អាជីវកម្មក្រោយ បរិបទកូវីដ-១៩» នៅតាមបណ្តាខេត្តនានា ដោយមាន ឧកញ៉ា តែ តាំងប៉ ជាប្រធានដឹកនាំកម្មវិធីផ្ទាល់។
![](https://www.oknha.news/wp-content/uploads/2024/06/image-379-1024x682.png)
ការរៀបចំកម្មវិធីសិក្ខាសាលាកន្លងមកនេះ គឺដើម្បីឱ្យម្ចាស់សហគ្រាស ឬអាជីវកម្មធុនតូច និងមធ្យម អាច លើកពីផលវិបាកដែលទាក់ទងនឹងការលក់ផលិតផលក្នុង ស្រុក និងការនាំចេញ។លើសពីនោះ ក៏ជាការចែករំលែកខ្សែ សង្វាក់ទីផ្សារក្នុងការនាំចេញ និងចែករំលែកចំណេះដឹង ផ្សេងៗដល់ម្ចាស់សហគ្រាសធុនតូច និងមធ្យមផងដែរ។
គួរបញ្ជាក់ផងដែរថា រយៈពេល១ឆ្នាំពេញ២០២៣កន្លងទៅ FASMEC បាន រៀបចំសិក្ខាសាលា២៥រាជធានី-ខេត្ត ស្តីពីការអភិវឌ្ឍន៍អាជីវកម្មក្រោយបរិបទកូវីដ-១៩ ដែលមានម្ចាស់ សហគ្រាសចូលរួមប្រមាណ ៥,៣៣៧នាក់ និងស្ត្រី២,៦០០នាក់៕
![](https://www.oknha.news/wp-content/uploads/2024/06/image-380-1024x682.png)
![](https://www.oknha.news/wp-content/uploads/2024/06/image-381-1024x682.png)
![](https://www.oknha.news/wp-content/uploads/2024/06/image-384-1024x682.png)
![](https://www.oknha.news/wp-content/uploads/2024/06/image-385-1024x683.png)
![](https://www.oknha.news/wp-content/uploads/2024/06/image-382-1024x682.png)
![](https://www.oknha.news/wp-content/uploads/2024/06/image-383-1024x682.png)