ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានប្រោសព្រះរាជទានត្រាស់បង្គាប់ផ្តល់គោរមងារ លោក យុត្ត បញ្ញា ជា «ឧកញ៉ា» នៅថ្ងៃទី១២ ខែមិថុនា ឆ្នាំ២០២៤ តាមសេចក្តីក្រាបបង្គំទូលថ្វាយរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។
![](https://www.oknha.news/wp-content/uploads/2024/06/448229589_7770256676353515_2051216252560539672_n-687x1024.jpg)
លោក យុត្ត បញ្ញា ជាបញ្ញវន្តមួយរូបបានបញ្ចប់ការសិក្សាពីក្រៅប្រទេស ដោយលោកបានបញ្ចប់ថ្នាក់អនុបណ្ឌិត ផ្នែកពាណិជ្ជកម្មអន្តរជាតិ ពីប្រទេសកូរ៉េខាងត្បូង។ លោក យុត្ត បញ្ញា ត្រូវបានគេដឹងថា ជាម្ចាស់សហគ្រាស ស៊ី អ អាយ ឌី អភិវឌ្ឍន៍ រ៉ាប់ប៊ើរ ឯ.ក ( CRID Aphivath Rubber Co., Ltd) ជាសហគ្រាសមានសកម្មភាពអាជីវកម្មចម្បងផ្នែកកសិកម្ម (ដាំដំណាំកៅស៊ូ)។ លើសពីនេះ លោកក៏មានមុខជំនួញលើវិស័យគ្រឿងអេឡិចត្រូនិកផងដែរ។
លោកឧកញ៉ា យុត្ត បញ្ញា ធ្លាប់បានលើកឡើងថា ចក្ខុវិស័យរបស់ C R I D គឺដើម្បីឱ្យពិភពលោកស្គាល់កៅស៊ូកម្ពុជា ប៉ុន្តែអ្វីៗត្រូវចាប់ផ្តើមពីការដាំដុះជាមុន។ ក្នុងដំណាក់កាលទីមួយ ក្រុមហ៊ុនរបស់លោកបានធ្វើរួចរាល់លើផ្ទៃដីជាង ១២០០ ហិកតា ទាំងប្រមូលផល និងដាំដុះបន្ថែម។ សម្រាប់ក្នុងឆ្នាំ២០២៤នេះ ក្រុមហ៊ុនរបស់លោកកំពុងតែពង្រីកផ្ទៃដី និងដាំដុះបន្ថែមទៀត ទៅតាមផែនការគ្រោងទុក៕
![](https://www.oknha.news/wp-content/uploads/2024/06/448373569_7770256749686841_5408436514823889127_n-724x1024.jpg)
![](https://www.oknha.news/wp-content/uploads/2024/06/photo_2024-06-17_10-19-53-962x1024.jpg)
![](https://www.oknha.news/wp-content/uploads/2024/06/448455894_7770256579686858_7711072539006697026_n-1024x768.jpg)
![](https://www.oknha.news/wp-content/uploads/2024/06/photo_2024-06-17_09-44-08-1024x768.jpg)
![](https://www.oknha.news/wp-content/uploads/2024/06/photo_2024-06-17_09-44-09-1024x731.jpg)