ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងជាប្រធាន FASMEC បានអញ្ជើញអធិបតីក្នុងកម្មវិធី បើកវគ្គបណ្តុះបណ្តាលស្តីអំពី « ទីផ្សារឌីជីថល » ដល់សហគ្រាសធុនតូច និងមធ្យមនៅរាជធានីភ្នំពេញ កាលពីថ្ងៃទី២១ ខែមិថុនា ឆ្នាំ២០២៤។
កម្មវិធីបើកវគ្គបណ្តុះបណ្តាលស្តីអំពី«ទីផ្សារឌីជីថល» ដល់សហគ្រាសធុនតូច និងមធ្យម នៅរាជធានីភ្នំពេញនេះ ក៏មានការចូលរួមពីម្ចាស់សហគ្រាសប្រមាណ ៤៤នាក់ផងដែរ។
វគ្គបណ្តុះបណ្តាលនេះ ទទួលបានការគាំទ្រពីគម្រោង មូលនិធិអភិវឌ្ឍន៍ជំនាញ(SDF) និងរៀបចំ ដោយ FASMEC និង Agile Development Group ដោយមានគោលដៅ បណ្ដុះបណ្ដាលចំណេះជំនាញ ទីផ្សារឌីជីថលជូនដល់ម្ចាស់សហគ្រាស ដែលបានចូលរួមចំនួនទាំង៤៤រូបនោះ។
សូមបញ្ជាក់ថា កម្មវិធីបើកវគ្គបណ្តុះបណ្តាលស្តីអំពី « ទីផ្សារឌីជីថល » ដល់សហគ្រាសធុនតូច និងមធ្យម គឺជាកម្មវិធីមួយក្នុងផែនការឆ្នាំ២០២៤ របស់ FASMEC ដែលគ្រោងរៀបចំវគ្គបណ្តុះបណ្តាល ការធ្វើទីផ្សារឌីជីថលនេះ ដល់សហគ្រាសធុនតូច និងមធ្យម ទូទាំង ២៥ រាជធានី/ខេត្ត៕
