ក្រោយសង្រ្គាមពាក្យសម្តីរវាងតារាចម្រៀង ម៉េង កែវពេជ្ជតា និង តារាសម្តែង ចន ច័ន្ទលក្ខិណា បានបញ្ចប់ដោយសន្តិវិធី តារាចម្រៀងជាច្រើនបានសាទរចំពោះតារាទាំងពីររូប ក្នុងនោះដែរកំពូលតារាចម្រៀង ឧកញ៉ា ខេម សិរីមន្ត បានសម្តែងនូវការត្រេអរចំពោះតារាទាំងពីររូប ដែលបានធ្វើជាគំរូល្អដល់ប្អូនៗជំនាន់ក្រោយ ។
កំពូលតារាចម្រៀង ឧកញ៉ា ខេមរៈ សិរីមន្ត បានរៀបរាប់នៅលើហ្វេសប៊ុករបស់លោកថា « ក្នុងនាមជាសិល្បៈករខ្មែរមួយរូប ខ្ញុំបាទ ខេមរៈ សិរីមន្ត ពិតជារំភើបខ្លាំងណាស់ពេលឃើញបងៗទាំងពីរបានទទួលយកការអធ្យាស្រ័យគ្នារួបរួមគ្នាឡើងវិញនេះជាគំរូល្អខ្លាំងណាស់សំរាប់ប្អូនៗ និងសូមអរគុណចំពោះលោកជំទាវអ្នកឧកញ៉ា ម៉ៅចំណាន ប្រធានសមាគមសិល្បករខ្មែរ ដែលបានជួយសម្រួលដល់ពួកគាត់ទាំងពីរ បានជួបគ្នាវិញស្រលាញ់គ្នាវិញ ក្នុងនាមជាបងជាប្អូនសិល្បករខ្មែរ » ។
ទន្ទឹមនិងការបង្ហោះសារនេះ បានធ្វើឱ្យសិល្បករថ្មីចាស់ជាច្រើនបានចូលរួមគាំទ្រគ្រប់ៗគ្នា ។
គួររំលឹកផងដែរថា មួយរយៈពេលចុងក្រោយនេះកំពូលតារាចម្រៀងឧកញ៉ា ខេមរៈ សិរីមន្ត បានលេចមុខនៅក្នុងកម្មវិធីសប្បុរសធ៌ជាជាច្រើន ទាំងការចូលរួមជាមួយសមាគមសិល្បករខ្មែរ។ ទោះជាយ៉ាងណាកំពូលតារាចម្រៀងឧកញ៉ា ខេមរៈ សិរីមន្ត ក៏បានចេញបទចម្រៀងថ្មីៗជាបន្តបន្ទាប់ក្នុងផលិតកម្ម ហ្គាឡាក់ស៊ី ណាវាត្រា ទៅតាមការសំណូមពររបស់អ្នកគាំទ្រ៕
