នាថ្ងៃទី១០ ខែវិច្ឆិកា ឆ្នាំ២០២៤ វេលាម៉ោង ០២រសៀលនេះ នៅសាកលវិទ្យាល័យជាតិបាត់ដំបង អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង នឹងចូលលេងការប្រកួតបាល់ទាត់ឱ្យក្រុមថ្នាក់ដឹកនាំ សសយក ខេត្តបាត់ដំបង ប្រកួតជាមួយក្រុមផ្ការីកគ្រប់រដូវ របស់លោកពាក់មី ព្រមទាំងអ្នកអត្ថាធិប្បាយកីឡាកំពូលវោហាសព្ទ ពូ ចក់ ផងដែរ ដើម្បីអបអរសាទរការបេីកប្រកួតកីឡាដណ្តេីមពានរង្វាន់សម្តេចក្រឡាហោម ស ខេង ឆ្នាំ២០២៤។
សម្រាប់ការប្រកួតនារសៀលនេះ នឹងមានវត្តមាន ឯកឧត្តមអភិសន្តិបណ្ឌិត ស សុខា អនុប្រធាន សសយក កម្ពុជា, ឯកឧត្តម ស រដ្ឋា ប្រធាន សសយក ខេត្តបាត់ដំបង និងជាប្រធានគណៈកម្មការរៀបចំការប្រកួតកីឡា “ពានរង្វាន់សម្តេចក្រឡាហោម ស ខេង ឆ្នាំ២០២៤” និងអ្នកឧកញ៉ា ភួ វាសនា ប្រធានប្រតិបត្តិ កម្មវិធីការប្រកួតកីឡា ពានរង្វាន់សម្តេចក្រឡាហោម ស ខេង ឆ្នាំ២០២៤ រួមទាំងថ្នាក់ដឹកនាំ សសយក ជាច្រើនរូបទៀតផងដែរ។
សូមជម្រាបថា ពានរង្វាន់សម្តេចក្រឡាហោម ស ខេង ឆ្នាំ២០២៤ មាន៤ប្រភេទកីឡា ក្នុងនោះ៖ ១. កីឡាបាល់ទាត់ ចូលរួមមានចំនួន ៣០ក្រុម, ២. កីឡាបាល់ទះ ចូលរួមមានចំនួន ១១ក្រុម, ៣. កីឡាវាយសី ចូលរួមមានចំនួន ៧៤ក្រុម និង ៤. កីឡាប៊ូល និងប៉េតង់ ចូលរួមមានចំនួន ៣៨ក្រុម៕
