ទើបតែចេញMVបទ(សែកមន្ត) មិនទាន់ចំហាយនៃការគាំទ្រផង ពេលនេះ កំពូលតារាចម្រៀង លោកឧកញ៉ា ព្រាប សុវត្ថិ បានបង្ហើបក្បាល MV បទថ្មីទៀតហើយ ដែលស្ដាប់ហើយចង់រាំតាមតែម្ដង។ សំឡេងដ៏ក្រអួន អមដោយកាយវិការស់រវើករបស់កំពូលតារាចម្រៀងជើងចាស់ ឧកញ៉ា ព្រាប សុវត្ថិ នៅក្នុងMV បទថ្មី “កុលាបមានបន្លា” ដែលមិនទាន់ចេញផ្លូវការ ហើយទើបត្រូវបានគេទម្លាយចេញនូវឈុតខ្លះៗតាមបណ្ដាញសង្គមទទួលបានការចាប់អារម្មណ៍ខ្លាំងពីហ្វែនៗ ។
ជាមួយនឹងការបញ្ចេញសមត្ថភាពអស្ចារ្យរបស់ខ្លួនខាបយកបេះដូងអ្នកគាំទ្រកាន់តែច្រើននោះ ហ្វែនៗ បានកោតសរសើរនូវទឹកដមសំឡេង និងកាយវិការសម្ដែងដ៏រស់រវើករបស់កំពូលតារាចម្រៀងឧកញ៉ា ព្រាប សុវត្ថិ។ អ្នកខ្លះថា IDOL នៅតែអេម សំឡេងពីរោះ ត្រូវចិត្ដយុវវ័យ ហើយតាមរយៈបទថ្មីនេះនឹងធ្វើឱ្យហ្វែនៗកាន់តែពេញចិត្ដ។
MV បទថ្មី “កុលាបមានបន្លា” ត្រូវបាននិពន្ធ និងផលិតឡើងដោយផលិតកម្ម Galaxy ដែលច្រៀង និងសម្ដែងផ្ទាល់ដោយតារាចម្រៀងប្រុស ព្រាប សុវត្ថិ។ ខាងក្រោមនេះ ជាវីដេអូចម្រៀងដែលឧកញ៉ា ព្រាប សុវត្ថិ ទម្លាយដោយផ្ទាល់នៅលើបណ្ដាញសង្គមរបស់លោក ហើយទទួលបានការចាប់អារម្មណ៍ច្រើនពីមហាជន។
តាមប្រភពពីច្បាស់ការដែលគួរឱ្យទុកចិត្តមួយ បានទម្លាយឱ្យដឹងថា Galaxy Navatra នឹងបញ្ចេញ Official MV បទថ្មី “កុលាបមានបន្លា” នេះក្នុងពេលឆាប់ៗនេះ ខណៈដែល MVបានផលិតរួចរាល់អស់ហើយ។
@galaxy_navatra កុលាបមានបន្លា | ព្រាប សុវត្ថិ [ Remake ]
♬ original sound – Galaxy Navatra
