ឧកញ៉ា ហុង ឆេងឈុន សម្ពោធទីស្នាក់ការនិងការិយាល័យលក់ថ្មី របស់ក្រុមហ៊ុន ឈុនស៊ីង សុីធី

ឧកញ៉ា ហុង ឆេងឈុន ស្ថាបនិកក្រុមហ៊ុន ឈុនស៊ីង គ្រុប  កាលពីថ្ងៃទី២៣ ខែធ្នូ ឆ្នាំ២០២៤ បានរៀបចំពិធីសម្ពោធទីស្នាក់ការ និងការិយាល័យលក់ថ្មី របស់ក្រុមហ៊ុន ឈុនស៊ីង សុីធី (ChhunXing City)។

ពិធីសម្ពោធអគារការិយាល័យកម្ពស់ ៣ជាន់នេះ ក៏មានការអញ្ជើញនិមន្តព្រះសង្ឃ ដើម្បីសូត្រមន្តចំរើនព្រះបរិតសុំសេចក្តីសុខ ព្រមទាំងមានការអញ្ជើញចូលរួមពី ថ្នាក់ដឹកនាំ បុគ្គលិកក្រុមហ៊ុន និងភ្ញៀវកិត្តិយស ជាច្រើនរូបទៀតផងដែរ។

សូមជម្រាបថា ឧកញ៉ា ហុង ឆេងឈុន ជាស្ថាបនិកក្រុមហ៊ុន ឈុនស៊ីង គ្រុប រួមមានក្រុមហ៊ុនបុត្រសម្ព័ន្ធដូចជា បុរី ឈុនទីន, ឈុនស៊ីង ស៊ីធី, ឈុនស៊ីង ខុនស្ត្រាក់សិន និងជាប្រធាននៃសមាគមសហគ្រិនកម្ពុជាសាមគ្គីដើម្បីអភិវឌ្ឍន៍ (CEADS) បានឈានជើងចូលប្រឡូកក្នុងវិស័យសំណង់ និងអចលនទ្រព្យអស់រយៈពេលជាង ១០ឆ្នាំមកហើយ។ លោកឧកញ៉ា បានចាប់ផ្ដើមតស៊ូតាំងពីធ្វើជាមេការសំណង់ រហូតក្លាយជាស្ថាបនិកក្រុមហ៊ុន ឈុនស៊ីង គ្រុប ដែលកំពុងទទួលបានការគាំទ្រពីអតិថិជនយ៉ាងច្រើនក្នុងវិស័យសំណង់ និងអចលនទ្រព្យនៅកម្ពុជា៕