អ្នកឧកញ៉ា សួរ វីរៈ ផ្ញើសារលិខិតជូនពរ សម្តេចតេជោ ហ៊ុន សែន ក្នុងឱកាសចូលឆ្នាំថ្មី ឆ្នាំសកល២០២៥

អ្នកឧកញ៉ា សួរ វីរៈ នាយកប្រតិបត្តិក្រុមហ៊ុនវិរៈ ប៊ុនថាំ អេចប្រេស និងជាទីប្រឹក្សារបស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា សូមផ្ញើសារលិខិតជូនពរ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសចូលឆ្នាំថ្មី ឆ្នាំសកល២០២៥។

ភ្ជាប់ជាមួយខិតប័ណ្ណជូនពរ អ្នកឧកញ៉ា សួរ វីរៈ បានបញ្ជាក់បន្ថែមជាមួយនឹងសារលើបណ្តាញសង្គមដូច្នេះថា៖ “សូមគោរពជូនចំពោះ សម្តេចអគ្គមហាសេនាបតីតេជោ និងសម្តេចកិត្តិព្រឹទ្ធបណ្ឌិត ព្រមទាំងបុត្រា បុត្រីជាទីស្រលាញ់ ក្នុងឱកាសឆ្នាំថ្មីដ៏វិសេសវិសាលនេះ ខ្ញុំបាទសូមបួងសួងដល់គុណបុណ្យ ព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមជួយប្រោះព្រំ នូវសព្ទសាធុការពរជ័យ សិរីសួស្តី ជ័យមង្គល វិបុលសុខ បវរមហាប្រសើរ”។