រាជធានីភ្នំពេញ ថ្ងៃទី២១ ខែមករា ឆ្នាំ២០២៥៖ ក្នុងនាមជាបុត្រសម្ពន្ធរបស់ ក្រុមហ៊ុន ម៉េងលី ជេ. គួច អេឌ្យូខេសិន រយៈពេល ២០ឆ្នាំ មជ្ឈមណ្ឌលភាសា អេ អាយ អាយ (Aii) និង សាលារៀន អន្តរទ្វីប អាមេរិកាំង (AIS) បានផ្លាស់ប្តូរ និងលើកកម្ពស់វិស័យអប់រំនៅក្នុងប្រទេសកម្ពុជាយើងឱ្យមានភាព កាន់តែប្រសើរឡើងដោយផ្តល់នូវឱកាសអភិវឌ្ឍខ្លួន និងដុសខាត់សក្តានុពលដល់សិស្សានុសិស្ស តាមរយៈកម្មវិធីសិក្សាថ្មីៗ ទំនើប មានគុណភាព និងមានស្តង់ដាខ្ពស់ផងដែរ។
ជាមួយនឹងការប្តេជ្ញាចិត្តដើម្បីផ្តល់នូវការអភិវឌ្ឍដ៏ល្អប្រសើរដល់សហគមន៍ Aii និង AIS នៅតែបន្តជំរុញដល់សិស្សានុសិស្សជំនាន់ក្រោយឱ្យទទួលបានការអប់រំមួយដែលមានស្តង់ដាខ្ពស់ និងមានគុណភាពល្អ។ យើងផ្តល់អាទិភាព និងយកចិត្តទុកដាក់ខ្ពស់ដល់ការរីកចម្រើន និងអនាគតដ៏ភ្លឺស្វាង របស់សិស្សានុសិស្សទាំងអស់គ្នា។
មជ្ឈមណ្ឌលភាសា អេ អាយ អាយ (Aii) ត្រូវបានផ្តួចផ្តើមបង្កើតឡើងដោយ អ្នកឧកញ៉ា វេជ្ជបណ្ឌិត គួច ម៉េងលី កាលពីថ្ងៃទី២១ ខែមករា ឆ្នាំ២០០៥។ Aii មានមោទភាពក្នុងការប្រារព្ធខួប ២០ឆ្នាំ របស់ខ្លួនដែលសម្រេចបាននូវសមិទ្ធផលដ៏អស្ចារ្យ! ដូចឃ្លាមួយរបស់ អ្នកឧកញ៉ា វេជ្ជបណ្ឌិត គួច ម៉េងលី បានលើកឡើងថា «ដើម្បីការរីកចម្រើនក្នុងវិស័យអប់រំ និងការផ្ដល់ការអប់រំដល់យុវជនយើង យើងជាអ្នកអប់រំត្រូវផ្ដោតទៅលើ ៣កត្ដាធំៗ ទី១ គឺគុណភាពនៃការសិក្សា ទី២ គឺវិន័យការអប់រំសីលធម៌ និងការដឹងខុសត្រូវទៅដល់សិស្ស ទី៣ គឺការផ្ដល់សេវាកម្មថ្លៃថ្នូរដល់សិស្ស បុគ្គលិក អ្នកអាណាព្យាបាល និងសាធារណជន»។ Aii និង AIS សូមថ្លែងអំណរគុណដល់មាតាបិតា អ្នកអាណាព្យាបាល និងសិស្សានុសិស្សទាំងអស់ដែលស្រឡាញ់ គាំទ្រ និងជឿទុកចិត្តមកលើសេវាកម្មអប់រំរបស់យើង។
Aii មានចក្ខុវិស័យក្នុងការបង្កើតអនាគតនៃការអប់រំភាសាដែលមានគុណភាពខ្ពស់ មានការអភិវឌ្ឍ
ភាពច្នៃប្រឌិតថ្មីៗ ការផ្លាស់ប្តូរវប្បធម៌ និងភាពរីកចម្រើនរួមគ្នា។ ជាក់ស្តែងក្នុងឆ្នាំ២០២៤ ថ្មីៗនេះសិស្សឆ្នើមដែលមកពី Aii របស់យើងឈ្មោះអ៊ឹង វឌ្ឍនៈសុវិជ្ជា បានឈ្នះមេដាយមាសពីកម្មវិធី “FUTURE INTELLIGENCE STUDENTS OLYMPIAD, GLOBAL ROUND-2024” ដែលបានប្រារព្ធឡើងនៅឌូបៃ (Dubai) និង សិស្សពូកែ ២ រូប ទៀតឈ្មោះ សុខន បញ្ញារ័ត្ន និង ឆាយ ជីងឡុង បានជាប់ជាប្រតិភូតំណាងប្រទេសកម្ពុជានៃអ្នកដឹកនាំអាស៊ីប៉ាស៊ីហ្វិក និងឯកអគ្គរដ្ឋទូតប្រចាំប្រទេសម៉ាឡេស៊ី(Represented Cambodia as delegates to the Asia Pacific Leaders and Ambassadors in Malaysia)។ សមិទ្ធផលគួរជាទីមោទនៈទាំងនេះបានបង្ហាញពីការប្តេជ្ញាចិត្តរបស់យើងក្នុងការជំរុញដល់សិស្សានុសិស្ស និងរៀបចំពួកគេសម្រាប់អនាគតប្រកបដោយភាពជោគជ័យ។
Aii ជាមជ្ឈមណ្ឌលដែលមានមូលដ្ឋានលើស្តង់ដាអាមេរិកខាងជើងដែលមានឯកទេសផ្នែកភាសា
បរទេសដូចជាភាសាអង់គ្លេសសម្រាប់ថ្នាក់មត្តេយ្យ និងភាសាអង់គ្លេសទូទៅ (មនុស្សពេញវ័យ) កម្ម
វិធីភាសាចិន និងភាសាថៃ។ Aii ក៏មានសេវាកម្មប្រឹក្សាសម្រាប់ការអប់រំដើម្បីបន្តការសិក្សានៅ
បរទេសយ៉ាងទូលំទូលាយ និងវគ្គសិក្សា TESOL និងតេស្ត TOEFL ជំនាន់ IBT, ITP, និង TOEIC ផងដែរ។
បច្ចុប្បន្ននេះ Aii និង AIS មានចំនួនសិស្សានុសិស្សដែលកំពុងសិក្សាជាង ២៤,០០០នាក់ អតីត
សិស្សបញ្ចប់ការសិក្សាជាង ៥០,០០០នាក់ និងបុគ្គលិកទាំងអស់ជាង ២,៨០០នាក់។ ទាំងនេះជា
សមិទ្ធផលមួយដែលពោរពេញដោយមោទនភាពបំផុត។ ក្នុងឆ្នាំថ្មី ២០២៥ ចំនួនសិស្សានុសិស្ស
នៅតែបន្តកើនឡើងយ៉ាងច្រើនហេតុដូច្នេះហើយទើបយើងសម្រេចចិត្តសាងសង់អគារសិក្សាថ្មីសម្រាប់ Aii និងAIS បន្ថែមទៀតនៅសាខា ម៉ៅ សេទុង និង សាខាផ្សារថ្មី។
បច្ចុប្បន្ននេះយើងបានពង្រីកវិសាលភាពរបស់យើងទាំង Aii និង AIS នៅតាមបណ្តារាជធានីខេត្ត
បានចំនួន ២៤ ទីតាំង៖
១. សាខាម៉ៅសេទុង
២. សាខាទួលគោក
៣. សាខាចាក់អង្រែ
៤. សាខាចោមចៅ
៥. សាខាផ្សារថ្មី
៦. សាខាជ្រោយចង្វារ
៧. សាខាសៀមរាប
៨. សាខាតាកែវ
៩. សាខាសែនសុខ
១០. សាខាច្បារអំពៅ
១១. សាខាចំការដូង
១២. សាខាទួលសង្កែ និងសាខាជាច្រើនទៀតក្នុងពេលឆាប់ៗខាងមុខនេះ!
Aii គឺជាគ្រឹះស្ថានអប់រំឈានមុខគេនៅប្រទេសកម្ពុជាដែលផ្តល់ជូននូវកម្មវិធី និងវគ្គសិក្សាយ៉ាង
សម្បូរបែបលើជំនាញភាសាអង់គ្លេស ភាសាចិន និងភាសាថៃ។ ដោយមានការប្តេជ្ញាចិត្តយ៉ាងមុត
មាំលើការផ្តល់ការអប់រំប្រកបដោយគុណភាព និងភាពជោគជ័យរបស់សិស្សានុសិស្ស Aii ទទួល
បានកេរ្តិ៍ឈ្មោះ និងទំនុកចិត្តក្នុងការផ្តល់ការអប់រំលើជំនាញភាសាបរទេស៕
