ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់តែងតាំងមុខតំណែងដល់ ឧត្តមនាវីឯក ទៀ សុខា អត្តលេខ ០០៤២០៩ ជា មេបញ្ជារការ កងទ័ពជើងទឹក នៃក្រសួងការពារជាតិ នៅថ្ងៃទី១៣ ខែកុម្ភៈ ឆ្នាំ២០២៥ តបតាមសេចក្តីក្រាបបង្គំទូលថ្វាយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
ឧត្តមនាវីឯក ទៀ សុខា បច្ចុប្បន្នមានតួនាទីជា មេបញ្ជាការរង កងទ័ពជើងទឹក និងជា អគ្គលេខាធិការរង នៃគណៈកម្មាធិការជាតិសន្តិសុខលម្ហសមុទ្រ។ ការទទួលបានការតែងតាំងជា មេបញ្ជារការ កងទ័ពជើងទឹកនេះ គឺដើម្បីជំនួសតំណែងឪពុករបស់លោក នាយឧត្តមសេនីយ៍ ទៀ វិញ ដែលទទួលការតែងតាំងភារកិច្ចថ្មីជា រដ្ឋលេខាធិការ ក្រសួងការពារជាតិ។
ឧត្តមនាវីឯក ទៀ សុខា ត្រូវបានគេស្គាល់ថា ជាកូនប្រុសរបស់ នាយឧត្តមសេនីយ៍ ទៀ វិញ និងជាបងប្រុសបង្កើតរបស់ អ្នកឧកញ៉ា ទៀ វិចិត្រ អគ្គនាយកក្រុមហ៊ុន ជីធីវីសុី គ្រុប ដែលជាអ្នករកស៊ីនៅទិសនិរតីដ៏ល្បីល្បាញ ស្ថិតនៅក្នុងខេត្តព្រះសីហនុ ផងដែរ៕
