“ខ្ញុំមិនអាចរស់នៅតែឯង ខ្ញុំកើតនៅកម្ពុជាស្លាប់នៅកម្ពុជា ជួយប្រជាជនកម្ពុជា ជាតួនាទីរបស់យើងទាំងអស់គ្នា សាមគ្គីភាពទើបមានភាពរឹងមាំ នេះជាពេលយើងត្រូវសាមគ្គីគ្នា” ប្រយោគរយលានខ្លឹមសាររបស់មហាសេដ្ឋីវ័យក្មេង ឡេង ណាវ៉ាត្រា បានឲ្យដឹងលើទំព័រហ្វេសបុករបស់លោកផ្ទាល់។ ភាសាចេញពីក្រអៅបេះដូងដ៏មានអត្ថន័យទៅកាន់បងប្អូនជនរួមជាតិ ដែលឆ្លុះបញ្ចាំងពីឆន្ទៈដ៏មោះមុតមិនអាចកាត់ថ្លៃបាន។
អ្នកឧកញ៉ាបន្តថា “ជីវិតគ្រួសារដែលទាល់ក្រមួយនេះ ធ្លាប់ស្រមៃត្រឹមហូបចុកគ្រប់គ្រាន់”។ ខណៈមហាជនកោតសរសើរពីទឹកចិត្តប្រកបដោយព្រហ្មវិហារធម៌របស់អ្នកឧកញ៉ា ឡេង ណាវ៉ាត្រា ជាខ្លាំង។
ក្រោមភាពជោគជ័យនៅក្នុងមុខជំនួញ ជាហេតុធ្វើឲ្យលោកដែលផ្តើមពីកូនអ្នកក្រីក្រ ជាពលករធ្វើការងារនៅប្រទេសកូរ៉េរាបសិបឆ្នាំ ប្រែក្លាយមកជាមហាសេដ្ឋីមានទ្រព្យសម្បត្តិមហាសាលទាំងវ័យក្មេងក្នុងពិភពជំនួញនៅកម្ពុជា។
អ្នកឧកញ៉ា ឡេង ណាវ៉ត្រា ត្រូវបានមហាជនចាត់ថា ជាសប្បុរសជនមួយរូបដ៏ឆ្នើមក្នុងការជួយដល់រាជរដ្ឋាភិបាលទាំងវិស័យសង្គម សេដ្ឋកិច្ច និងគ្រោះមហន្តរាយផ្សេងៗកាលពីឆ្នាំកន្លងទៅរាបសិបលានដុល្លារសហរដ្ឋអាមេរិក។
គេហទំព័រឧកញ៉ាញូស៍ សូមបង្ហាញសកម្មភាពកិច្ចការមនុស្សរបស់លោក ត្រឹមរយៈពេលបីខែដើមឆ្នាំ២០២១ ដែលមហាសេដ្ឋីអចលនទ្រព្យ ឡេង ណាវ៉ាត្រា បានចូលរួមឧបត្ថម្ភសរុបចំនួន ៦៧,៣០០,០០០លានដុល្លារ (ប្រាំមួយលានប្រាំពីសែន៣ម៉ឺនដុល្លារ) ជូនរាជរដ្ឋាភិបាលសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសមាគមបំរើកិច្ចការមនុស្សធម៌ បន្ទាប់ពីជំងឺរាតត្បាតជាសកលកូវីដ១៩ បាននឹងកំពុងរីករាលដាលឆ្លងចូលសហគមន៍នៃប្រទេសកម្ពុជា។
១.ឧបត្ថម្ភថវិកាចំនួន ៣ លានដុល្លារ ដើម្បីចូលរួមជាមួយរដ្ឋាភិបាលលើការប្រយុទ្ធប្រឆាំងកូវីដ១៩
២.ឧបត្ថម្ភថវិកាចំនួន ៣ម៉ឺនដុល្លារ និងសម្ភារៈនូវអាល់កុល ចំនួន១០កាន ម៉ាស់១០ម៉ឺនម៉ាស់ អង្ករ១០តោនសម្រាប់ប្រយុទ្ធប្រឆាំងជំងឺកូវីដ-១៩ ជូនដល់រដ្ឋបាលខេត្តកណ្ដាល
៣.ឧបត្ថម្ភថវិកាចំនួន ២០ម៉ឺនដុល្លារ ដល់ក្រុមគ្រួព្រទ្យស្ម័គ្រចិត្តយុវជនសម្តេចតេជោ TYDA ដើម្បីជាការលើកទឹកចិត្តក្នុងការប្រយុទ្ធប្រឆាំងកូវីដ១៩ ដែលកំពុងរីករាលដាលក្នុងសហគមន៍
៤.ឧបត្ថម្ភថវិកាចំនួន ៣.៥ លានដុល្លារ ជូនសម្តេចតេជោ ហ៊ុន សែន ដើម្បីទិញយកមន្ទីរពេទ្យ “នគរទេព” នឹងប្តូរឈ្មោះថាជាមន្ទីរពេទ្យ “ហ្លួងម៉ែ” វិញ។
សន្តានចិត្តដ៏សប្បុរស និងចូលរួមបរិច្ចាគនូវថវិកាជួយដល់សង្គមជាតិ ពិតមហាធំធេង ដែលរកអ្វីមកប្រៀបផ្ទឹមពុំបានឡើយ សម្រាប់ក្នុងនៅឆាកជីវិតរបស់លោកក្នុងនាមជាកូនខ្មែរ ខ្មែរជួបទុក្ខខ្មែរជួយខ្មែរ៕
