ឧកញ៉ា ស្រី ចាន់ថន ចុះអនុស្សារណៈយោគយល់សំខាន់ៗ ៣ ជាមួយក្រុមហ៊ុន “យក្សាបោកអ៊ុត” និងត្រៀមពង្រីកសាខា ២០០០ ទីតាំងទៀត

នាព្រឹកថ្ងៃទី ២៩ ខែសីហា ឆ្នាំ២០២១នេះ ក្រុមហ៊ុនបញ្ញើអីវ៉ាន់ជេតស៍ អុិចប្រេសខេមបូឌា , ក្រុមហ៊ុមជេតស៍វេលុយ , និងក្លឹបផ្តល់ទុនដើម្បីសហគ្រិនស្ត្រីកម្ពុជា ដែលជាបុត្រសម្ពន្ធ័របស់ក្រុមហ៊ុន ជេតស៍ហ្រ្គុប របស់លោក ឧកញ៉ា ស្រី ចាន់ថន  បានចុះអនុស្សារណះយោគយល់គ្នា ជាមួយក្រុមហ៊ុន យក្សាបោកអ៊ុត ក្នុងទិសដៅពង្រីកកិច្ចសហការសេវាកម្មដល់សាខារបស់ខ្លួន អោយបាន ២០០០ សាខា ក្នុងឆ្នាំ២០២១។  

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

កម្មវិធីដ៏ឱឡារឹកប្រកបដោយបរិយាកាសរីករាយ និងស្និតស្នាលជាទីបំផុតនេះ ប្រារព្ធឡើងនៅទីក្រុងសៀមរាប ក្រោមអធិបតីភាពរបស់ លោកឧកញ៉ា ស្រី ចាន់ថន និង លោក  ហែម  ហេម៉ា  ព្រមទាំងលោកស្រី  ឡុង  ទីចាន់  ប្រធានក្រុមហ៊ុន “យក្សាបោកអ៊ុត”។   អនុស្សណៈ យោគយល់គ្នា រវាង បុត្រសម្ពន័៣ របស់ក្រុមហ៊ុន  ជេតហ្រ្គុប ឧកញ៉ា ស្រី ចាន់ថន និង ក្រុមហ៊ុនយក្សាបោកអ៊ុត  រួមមាន  ៖ 

ទី១.  ការចុះអនុស្សារណៈ យោគយល់គ្នា រវាង ក្រុមហ៊ុន ជេត អ៊ិច ប្រេសខេមបូឌា នឹង ក្រុមហ៊ុនយក្សាបោកអ៊ុត

ក្រុមហ៊ុនទាំងពីរបានចាប់ដៃគ្នាធ្វើកិច្ចសហប្រតិបត្តិការ ដើម្បីពង្រីកវិសាលភាព  និងសម្រេចផែនការសាខាបោកអ៊ុតយក្សាក៏ដូចជាសេវាបញ្ញើររហ័សអោយបាន ២០០០សាខា  ក្នុងឆ្នាំនេះ ដែលអាចបង្កើតឱកាសការងារ  អោយប្រជាពលរដ្ធ  លើកស្ទួយសេវាកម្មដឹងជញ្ជូន សេវាបោកអ៊ុត និងលើកកំពស់ស្ត្រីតាមរយ:សេវាទាំងនេះ។

ទី២.  ក្លឹបផ្តល់សម្រាប់សហគ្រិនកម្ពុជា  និងក្រុមហ៊ុនបោកអ៊ុតយក្សា បានចុះកិច្ចព្រមព្រៀងគ្នាសហការ និងលើកកម្ពស់កិច្ចសហប្រតិបត្តិការ រវាងគូភាគីទាំងពីរមានដូចតទៅនេះ

– ចូលរួមសហការគ្នាដើម្បីពង្រីកអាជីវកម្ម ជាដៃគូរដែលមានសេវាកម្មផ្តល់ទុនកម្ចី  សំរាប់អាជីវកម្មដល់សហគ្រិនស្រ្តីកម្ពុជា  ដែលមិនមានទ្រព្យបញ្ចាំ និង សេវាបោកអ៊ុត ដែលក្រុមហ៊ុនយក្សាមានសាខាសរុបជាង ២០០០សាខា នៅទូទាំងប្រទេសកម្ពុជាផងដែរ ។

– អនុញ្ញាតឲ្យ អជីវករ ពានិច្ចករ និងបុគ្គលិករបស់ក្រុមហ៊ុន និងសាខា របស់ក្រុមហ៊ុនយក្សាបោកអ៊ុតទាំងអស់  ចូលជាសមាជិករបស់ក្លឹប ដើម្បីមានអថិភាពទទួលបានកម្ចីទុនសម្រាប់ចាប់ផ្តើមរឺពង្រីកអាជីវកម្មបន្ថែម ហើយក្រុមហ៊ុនយក្សាបោកអ៊ុតអនុញ្ញាតឲ្យក្រុមកាងារ  របស់ក្លឹបផ្តល់ទុនសម្រាប់សហគ្រិនកម្ពុជា អាចទាក់ទងរឺសហការជាមួយ អាជីវករ ពានិច្ចករ និងបុគ្គលិករបស់ក្រុមហ៊ុន  និងសាខារបស់ក្រុមហ៊ុនយក្សាបោកអ៊ុតក្នុងគោលបំណងប្រតិបត្តិការការងារផ្តល់ទុនសម្រាប់អាជីវករ។

ទី៣.  ការចុះអនុស្សរណៈយោគយល់គ្នារវាង ជេតស៍ វេលុយ នៃគ្រឹះស្ថានមីក្រូហិរញ្ញវត្ថុ ជេត ឃែសបកស៍ ហ្វាយនែន ភីអិលស៊ី និងយក្សាបោកអ៊ុត

អនុស្សរណៈនេះ ផ្ដោតទៅលើភាពជាដៃគូសហការ និងជាភ្នាក់ងារវេរលុយ ជេត ម៉ានី (Jet’s Money) គ្រប់សាខាយក្សា ទាំងអស់ជាង 2000សាខា ទូរទាំងប្រទេស ។ តំណាងយក្សាបោកអ៊ុត តាមមតិលោក  ហែម  ហេម៉ា  នឹងលោកស្រី ឡុង  ទីចាន់  ការចុះអនុស្សរណៈយោគយល់គ្នារវាង ក្រុមហ៊ុនធំទាំងពីរ  បានឯកភាពគ្នារួមគ្នា ក្នុងគោលដៅរួមធំ  ដេីម្បីជំរុញ  និងលើកកំពស់ស្ត្រី កម្ពុជាយេីង  ដែលធ្លាប់គិតថាខ្លួនត្រឹមជាមេផ្ទះ   អោយក្លាហាន  ចេញរកសុី  នឹងបង្កេីតមុខរបរ  ដោយខ្លួនឯង  តាមរយ:សេវាដ៏សំខាន់  នឹងមានទំនុកចិត្ត  ទទួលបានអត្ថប្រយោជន៍ខ្ពស់  របស់ក្រុមហ៊ុនជេតស៍ហ្រ្គុប  ដែលមានបុត្រសម្ពន័ទាំងបី  នឹងក្រុមហ៊ុនយក្សា  បោកអ៊ុត  នេះ។

បន្ថែមពីនេះ  ភាគីទាំងពីរបានសម្តែងការពេញចិត្ត  នឹងអ្វីដែលជាផ្លែផ្កានៃចំណុចចាប់ផ្ដេីម លោកឧកញ៉ា  ស្រី  ចាន់ថន  ប្រធានក្រុមហ៊ុនជេតហ្រ្គុប  នឹងលោក  ហែម  ហេម៉ា  លោកស្រី  ឡុង  ទីចាន់  ប្រធានក្រុមហ៊ុនយក្សា  បោកអ៊ុត   បានប្តជ្ញាខិតខំពង្រីកនូវកិច្ចសហប្រតិបត្តិការនិងពង្រីកអោយបាន 2000 សាខា ព្រមទាំងបង្កើតនូវសមិទ្ធផលថ្មីៗ  ជាច្រើនទៀត ដើម្បីផលប្រយោជន៍នៃប្រជាពលរដ្ឋកម្ពុជាយេីង  ជាពិសេសស្រ្តី  នឹងសំរេចគោលដៅសំខាន់ក្នុងឆ្នាំ  2021 នេះ  ៕

ទំនាក់ទំនង៖

– ក្រុមហ៊ុនបញ្ញើអីវ៉ាន់ជេតស៍ អិចប្រេសខាមប៊ូឌា៖ 016557770 / 099557770

– ក្រុមហ៊ុនបោកអ៊ុតយក្សា: 017 538 907

– ក្រុមហ៊ុន ជេតស៍ វេលុយ របស់ គ្រិះស្ថានមីក្រូ ហិរញ្ញវត្ថុ ជេតស៍ ខេស៍ បក់ ៖ 012880047 / 010880047

– ក្លឹបផ្តល់ទុនសម្រាប់សហគ្រិនស្ត្រី នៅកម្ពុជា៖  012900936 / 093900336 / 090900336