ឧកញ៉ាបណ្ឌិត ចិត្រ សេរីសុភ័ក្ត្រ ផ្ញើសារអបអរសាទរលោក ឈាង សុវណ្ណរតនៈ ទទួលគោរមងារ “ឧកញ៉ា”

ឧកញ៉ាបណ្ឌិត ចិត្រ សេរីសុភ័ក្ត្រ ស្ថាបនិកក្រុមហ៊ុន Luxury Smile Beauty Group ផ្ញើសារជូនពរដល់ លោក ឈាង សុវណ្ណរតនៈ ដែលត្រូវបាន សម្តេចវិបុលសេនាភក្តី សាយ ឈុំ ប្រមុខរដ្ឋស្តីទីព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ត្រាស់បង្គាប់តែងតាំងលោកឡើងជា «ឧកញ៉ា» កាលពីថ្ងៃទី៣១ ខែមីនា ឆ្នាំ២០២២នេះ។

ការផ្ដល់គោរមងារ “ឧកញ៉ា” ជូនលោក ឈាង សុវណ្ណរតនៈ អគ្គនាយកក្រុមហ៊ុន អធីអិនខេ អ៊ិនវេសម៉ិន ធ្វើឡើងតាមសេចក្តីក្រាបបង្គំទូលថ្វាយដោយផ្ទាល់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាជូន សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី៕