រដ្ឋាភិបាលប្រកាសផ្តល់ស្ពានបេតុងជូនពលរដ្ឋនៅកោះយ៉ ក្នុងខេត្តកោះកុង ដែលអ្នកឧកញ៉ លី យ៉ុងផាត់ ជាអ្នករ៉ាប់រងថវិកា

ថ្លែងក្នុងពិធីសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤ នាថ្ងៃទី២០ ខែមេសានេះ សម្តេចតេជោ ហ៊ុន សែន នាយករដ្ឋមន្ត្រី បានប្រកាសផ្តល់ស្ពានបេតុងជូន ប្រជាពលរដ្ឋនៅកោះយ៉ ក្នុងខេត្តកោះកុង ជំនួសស្ពានដែកបច្ចុប្បន្ន ដោយអ្នកឧកញ៉ លី យ៉ុងផាត់ ជាអ្នករ៉ាប់រងថវិកាលើការសាងសង់។

សម្តេចតេជោ ហ៊ុន សែន បានបន្តថា ស្ពានដែកដែលធ្វើពីមុនរអិលអាចធ្វើអោយគ្រោះថ្នាក់ប្រជាពលរដ្ឋ ហើយតំបន់នោះក៏ក្លាយជាតំបន់ទេសចរណ៍ដ៏ទាក់ទាញមួយ តភ្ជាប់ពីកោះយ៉ ទៅបាក់ខ្លង។