អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន Galaxy Navatra Group រំពឹងថា Galaxy Navatra នឹងក្លាយជាគូប្រកួតប្រជែងយ៉ាងស្វិតស្វាញ ជាមួយបណ្ដាប្រទេសនៅអាស៊ី និងអឺរ៉ុបនៅលើវិថីនៃសិល្បៈភាពយន្ត រួមទាំងចម្រៀងសម័យទំនើប និងបុរាណ។
![](https://www.oknha.news/wp-content/uploads/2022/07/293597299_600955701612646_6321616180413721730_n.jpg)
ស្ថាបនិកបុរី ឡេង ណាវ៉ាត្រា រូបនេះ បានបង្ហោះសារលើទំព័រហ្វេសប៊ុក កាលពីថ្ងៃអង្គារម្សិលមិញថា៖ “គោលដៅខ្ញុំ និងការសម្លឹងដោយក្ដីរំពឹង Galaxy Navatra នឹងក្លាយជាគូប្រកួតប្រជែងយ៉ាងស្វិតស្វាញ ជាមួយបណ្ដាប្រទេសនៅអាស៊ី និងអឺរ៉ុប នៅលើវិថីនៃសិល្បៈភាពយន្ត រួមទាំងចំរៀងសម័យទំនើប និងបុរាណ”។
![](https://www.oknha.news/wp-content/uploads/2022/07/294675243_600955764945973_2474957281017166700_n.jpg)
“ខ្ញុំបានបញ្ជូនបុគ្គលិកផ្នែកសោននិងវីដេអូអោយរៀននៅអង់គ្លេស អាមេរិក ដើម្បីរៀបចំសោនម៉ាស្ទ័រតាមស្តង់ដារពិភពលោកនៅកម្ពុជា។ ហើយបើកសាលាបណ្ដុះបណ្ដាលនៅភ្នំពេញនិងនៅបាត់ដំបង។ ជ្រើសរើសអ្នកមានសមត្ថភាព និង ឆន្ទៈដោយឱ្យក្រុមការងារផលិតផ្សារភ្ជាប់យ៉ាងយកចិត្តទុកដាក់ រៀនសូត្របន្ថែម ពីក្រសួងវប្បធម៌និងវិចិត្រសិល្បៈ ដើម្បីជំរុញ វប្បធម៌យើងឲ្យកាន់តែអស្ចារ្យក្នុងសម័យ ដែលប្រទេសយើងកំពុងតែអភិវឌ្ឍលើគ្រប់វិស័យ។ ហើយសមិទ្ធផលទាំងអស់នោះនឹងក្លាយជា សមទ្ធិផលរបស់យើងទាំងអស់គ្នា។ សម្រាប់បងប្អូនដែលមានឆន្ទៈចូលរួម ក្រុមការងារអាចសហការណ៍ឬ ផ្លាស់ប្ដូរយោបល់គ្នាបាន”។ អ្នកឧកញ៉ា បានបន្ថែម។
![](https://www.oknha.news/wp-content/uploads/2022/07/294593673_600955821612634_6583303044153888143_n.jpg)
អ្នកឧកញ៉ា ឡេង ណាវ៉ាត្រា បានបញ្ជាក់បន្ថែមថា ឆាប់ៗនេះក្រុមហ៊ុននឹងរៀបចំកន្លែងការិយាល័យ សោនម៉ាស្ទ័រ ស្តង់ដាពិភពលោក ដែលរៀបចំដោយជនជាតិសាំងហ្គាពួរ និងសូមអរគុណដល់ក្រុមហ៊ុន Morgan ដែលជាដៃគូដ៏ល្អ៕