ជាដំណឹងល្អ សម្រាប់អ្នកដែលមានដីទំនេរ នៅតាមបណ្តាខេត្តនានា នៅកម្ពុជា ខណៈពេលដែល អ្នកឧកញ៉ា ឡេង ណាវ៉ាត្រា បានធ្វើការប្រកាសដល់បងបងប្អូនដែលមានដីទំនេរចាប់ពី ២០០ហិចតាឡើងទៅ ហើយចង់លក់ឬជួល សូមព័ត៌មានតាមលេខ តេលេក្រាម (Telegram) នេះ។
កាលពីថ្ងៃទី២៧ ខែ កក្កដា ឆ្នាំ២០២២ អ្នកឧកញ៉ា ឡេង ណាវ៉ាត្រា បានបានសរសេរឲ្យដឹងដឹងតាមរយៈទំព័រហ្វេសប៊ុកផ្ទាល់យ៉ាងដូច្នេះថា៖ «ដោយសារតែមានដៃគូសហការពីបរទេស អភិវឌ្ឍផ្នែកកសិកម្មនាំចេញនិងផ្គត់ផ្គង់ក្នុងស្រុកចំពោះបងប្អូនដែលមានដីទំនេរចង់លក់ឬជួលខេត្តណាក៏បាន ហើយមានប្រភពទឹកនៅជិតជាប់ផ្លូវ ចាប់ពីចាប់ ២០០ហិចតាឡើងទៅគ្រប់ ២៥ខេត្តក្រុង សូមផ្ញើព័ត៌មាន»។
ជាមួយគ្នានេះ អ្នកឧកញ៉ាក៏បានបញ្ជាក់ដល់បងប្អូនថា៖ «សូមបញ្ជាក់ដីត្រូវមានឯកសារស្របច្បាប់ សូមផ្ញើព័ត៌មានមកតាមលេខតេលេខាងក្រាមនេះ គឺ 011444 444 តែបញ្ជាក់បងប្អូនសូមកុំcallមក តែអាចផ្ញើតាមតេលេក្រាមដោយសូមបងប្អូនមើលគំរូក្នុងកាផ្ញើព័ត៌មានមកខាងយើងខ្ញុំរួមមានដូចខាងក្រោមនេះ៖១.តំលៃ….?/ក្នុង1ហិចតា ២. ទំហំ ….ហិចតា? ៣.កម្មសិទ្ធិប្លង់រឹង និង៤.Location»។
គួរបញ្ជាក់ដែរថា អ្នកឧកញ៉ា ឡេង ណាវ៉ាត្រា មិនត្រឹមតែជាអគ្គនាយកក្រុមហ៊ុន ហ្គាឡាក់ស៊ី ណាវ៉ាត់ត្រា គ្រុបប៉ុណ្ណោះទេ។ អ្នកឧកញ៉ាវ័យក្មេងរូបនេះ ក៏ត្រូវបានមហាជនស្គាល់ថា ជាមហាសេដ្ឋីវ័យក្មេងម្នាក់កំពុងតែមានប្រជាប្រិយភាពជោគជ័យលើវិស័យជំនួញធំៗជាច្រើន ពិសេសលើវិស័យអចលនទ្រព្យនៅកម្ពុជាផងដែរ៕ អត្ថបទ៖ រង្សី
