នៅមុនបន្តិច អ្នកឧកញ៉ា ម៉ុង ឫទ្ធី បានជូនដំណឹង ក្រោយលោកទទួលបានការវះកាត់ដោយជោគជ័យ និងអាចចេញពីមន្ទីរពេទ្យនៅព្រឹកនេះ។
សេដ្ឋីកសិកម្មរូបនេះបានឲ្យដឹងថា ក្រោយពីបានចូលបន្ទប់សង្គ្រោះបន្ទាន់សន្លប់រយៈពេល ៣ ម៉ោង ដោយលោកវេជ្ជបណ្ឌិតលីម ដាក់រុឺស័រចំនួន ៣ ចូលទៅក្នុងសរសៃឈាមបេះដូងដោយជោគជ័យរួចរាល់ហេីយ ព្រឹកនេះវេលាម៉ោង ១០ លោកត្រូវបានគ្រូពេទ្យអនុញ្ញាតអោយចេញពីមន្ទីពេទ្យហេីយ។
គួរបញ្ជាក់ថា កាលពីថ្ងៃទី៣០ ខែកក្កដា ឆ្នាំ២០២២ ក្រុមគ្រួសារមហាសេដ្ឋីរូបនេះមានការប្រជុំជាលក្ខណៈគ្រួសារមួយស្ដីពីប្រទានកម្ម (ការធ្វើអំណោយ) របស់ឪពុកម្ដាយជូនកូនៗ ក្រោយពេលដែលឪពុកម្ដាយបានទទួលមរណភាព ដោយមានការចូលរួមពីឧកញ៉ា ម៉ុង ឫទ្ធី ភរិយា និងកូនៗ ព្រមទាំងមានមេធាវីចូលរួមដឹងឮផងដែរ។
បើតាមការបញ្ជាក់របស់អ្នកឧកញ៉ា ម៉ុង ឬទ្ធី ដោយសារស្ថានភាពជំងឺរបស់លោកនាពេលនេះ លោកវេជ្ជបណ្ឌិតតម្រូវឱ្យទៅធ្វេីការវះកាត់.នៅថ្ងៃពុធ ទី១០ ខែសីហា ឆ្នាំ២០២២ ខាងមុខនេះ ដោយមិនដឹងថាលទ្ធផលនៃការវះកាត់ ទទួលបានជោគជ័យ ១០០% ដែរឬយ៉ាងណានោះទេ ដូច្នេះហេីយទេីបតម្រូវឱ្យរូបលោក កោះហៅប្រពន្ធនិងកូនៗមកប្រជុំ ដេីម្បីធ្វេីប្រទានកម្មនេះអោយហេីយ បេីសិនណាជាមានបញ្ហាអ្វីមួយកេីតឡេីងដោយចៃដន្យនោះ លោកឧកញ៉ា ត្រូវតែរៀបចំគិតគូរចាត់ចែងត្រួសត្រាយផ្លូវសម្រាប់អោយ កូនៗដេីរឱ្យហើយ គឺតាមរយៈប្រទានកម្មនូវទ្រព្យសម្បត្តិ និងប្រពន្ធដែលមាន៕
