នៅថ្ងៃសៅរ៍ ទី២០ ខែសីហា ឆ្នាំ២០២២នេះ ឧកញ៉ាបណ្ឌិត គីម ហ៊ាង អគ្គនាយកបុរី វិមានសំណាង នឹងដឹកនាំតំបន់ប្រយុទ្ធនៃក្រុមបាល់ទាត់ Khmer United ដើម្បីតទល់នឹងក្រុមខ្លាំង Cham Ka Morn Lion ក្នុងការប្រកួតពានពាក់កណ្តាលអាជីព KW Cambodia League 2022 សប្តាហ៍ទី៤ នៅទីលានប្រកួតវិទ្យាល័យបឹងត្របែក នាវេលាម៉ោង ០៤:៣០ នាទីរសៀល។
ជំនួបរបស់ក្រុមទាំងពីរនេះ គឺជាការប្រកួតសន្សំពិន្ទុក្នុងពូល B ខណៈដែលការប្រកួតកន្លងមក Cham Ka Morn Lion ទើបតែលេងបាន២ប្រកួត ក្នុងនោះចាញ់មួយប្រកួត និងឈ្នះមួយប្រកួត រីឯ Khmer United លេងបាន៣ប្រកួតហើយ ក្នុងនោះឈ្នះទាំង៣ប្រកួត មាន៩ពិន្ទុពេញ និងកំពុងឈរលើកំពូលតារាងពូល B ជាបណ្តោះអាសន្ន។
កាលពីប្រកួតសប្តាហ៍ទី៣កន្លងទៅ របស់ក្រុម Khmer United ឧកញ៉ាបណ្ឌិត គីម ហ៊ាង ដែលជាប្រធានក្រុម និងជាខ្សែប្រយុទ្ធរបស់ក្រុមខ្លាំងមួយនេះ បានស៊ុតហែតទ្រីក (៣គ្រាប់ម្នាក់ឯង) ទៅលើក្រុម Sena Angkor FC ដូច្នេះចាំមើលថា តើក្នុងសប្តាហ៍ទី៤នេះ លោកឧកញ៉ានឹងនៅបន្តទម្រង់លេងដ៏ល្អនេះ បានទៀត ឬយ៉ាងណា សូមចាំតាមដានលទ្ធផលទាំងអស់គ្នា។
KW Cambodia League ប្រចាំឆ្នាំ២០២២នេះ នាំមកជូនដោយ៖ បុរី វិមានសំណាង Borey Vimean Samnang ជាលំនៅឋានបែបអភិជន, បុរី ខេអេស រ៉េស៊ីដេន Borey KS Residence ស្ថិតលើផ្លូវជាតិលេខ១ ១៥នាទីពីច្បារអំពៅ និងក្រុមហ៊ុនអចលនទ្រព្យ Keller Williams Cambodia ដែលជាក្រុមហ៊ុនអាមេរិកលេខ១ ក្នុងការទិញលក់អចលនទ្រព្យ ដោយមានលោកឧកញ៉ាបណ្ឌិត គីម ហ៊ាង ប្រធានស្ថាបនិក KW Cambodia ទូទាំងប្រទេស ជាអ្នកឧបត្ថម្ភនិងគាំទ្រផ្ដាច់មុខ៕
