ឧកញ៉ាបណ្ឌិត គីម ហ៊ាង និងលោកជំទាវ ដឹកនាំសិក្ខាសាលាអចលនទ្រព្យដ៏ធំប្រចាំឆ្នាំ២០២៣

ឧកញ៉ាបណ្ឌិត គីម ហ៊ាង ប្រធានស្ថាបនិក KW Cambodia ទូទាំងប្រទេស និងលោកជំទាវឧកញ៉ា គង់ សំណាង អគ្គនាយិកា បុរី វិមានសំណាង បានដឹកនាំសិក្ខាសាលាអចលនទ្រព្យដ៏ធំប្រចាំឆ្នាំ២០២៣ ក្រោមវត្តមានវាគ្មិនឆ្នើមៗលំដាប់ជាតិ និងអន្តរជាតិ ដែលមានបទពិសោធន៍ច្រើនឆ្នាំក្នុងវិស័យអចលនទ្រព្យ ជូនដល់អ្នកចូលរួមសរុបប្រមាណជាង ៣០០នាក់ នៅដឺព្រេមៀ សេនធ័រ សែនសុខ (អគារ A) នាថ្ងៃសុក្រ ទី១៣ ខែមករា ឆ្នាំ២០២៣នេះ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សិក្ខាសាលាអចលនទ្រព្យប្រចាំឆ្នាំ២០២៣ ដ៏ធំនេះ មានវាគ្មិនឆ្នើមៗលំដាប់ជាតិ និងអន្តរជាតិ ដែលមានបទពិសោធន៍ច្រើនឆ្នាំក្នុងវិស័យអចលនទ្រព្យជាច្រើនរូប រួមមានដូចជា៖

១. លោក Jeff Foo អតីតប្រធានវិទ្យាស្ថានភ្នាក់ងារអចលនទ្រព្យសិង្ហបុរី (Institute of Estate Agent, Singapore) ធ្វើបទបង្ហាញពីប្រធានបទ៖ “របៀបលក់អចលនទ្រព្យនៅបរទេស”។

២. លោក Chenyi Chiu ជាអ្នកវិនិយោគ និងជាអ្នកអភិវឌ្ឍន៍អចលនទ្រព្យយូរឆ្នាំនៅតៃវ៉ាន់ អាមេរិក និងកម្ពុជា ធ្វើបទបង្ហាញពីប្រធានបទ៖ “ការយល់ឃើញរបស់អ្នកអភិវឌ្ឍន៍បរទេស អំពីអចលនទ្រព្យកម្ពុជា”។

៣. ឧកញ៉ាបណ្ឌិត គីម ហ៊ាង ធ្វើបទបង្ហាញដ៏សំខាន់មួយផងដែរ ពីប្រធានបទ៖ “ស្ថានភាពឧស្សាហកម្មអចលនទ្រព្យនៅកម្ពុជា”។

បន្ថែមពីនេះ អង្គសិក្ខាសាលាក៏បានពិភាក្សា និងមានកម្មវិធីមួយចំនួនទៀតដូចជា៖ ការព្យាករណ៍អចលនទ្រព្យសម្រាប់ឆ្នាំ២០២៣ និងនិន្នាការអចលនទ្រព្យ, ពិធីបើកដំណើរការប្រើប្រាស់គេហទំព័រ (Website, App and Portal), ពិធីប្រគល់ពានរង្វាន់ និងការផ្តល់ជូនប្រាក់ចំណូលអកម្មពីការបែងចែក Growth Share, ពិធីដាក់បង្ហាញរូបភាពផ្ទះវីឡាទំនើប ស្មាតហូម (Smart Home), កាតាលីករនៃការលក់ (Sale Catayst) ដោយឧកញ៉ាបណ្ឌិត គីម ហ៊ាង និងកិច្ចពិភាក្សាជាមួយប្រធានសាខាទាំងអស់ របស់ KW Cambodia។

គួរបញ្ជាក់ថា សិក្ខាសាលារយៈពេលមួយថ្ងៃពេញនេះ បានដំណើរការចាប់ផ្តើមពីម៉ោង ៧:៣០នាទីព្រឹក ដល់ម៉ោង ០៥:០០នាទីល្ងាច ហើយសាធារណៈជន ឬភ្នាក់ងារអចលនទ្រព្យ បានចុះឈ្មោះចូលរួម ដោយឥតគិតថ្លៃ៕