ឯកឧត្តម ជា សុផារ៉ា ទេសរដ្ឋមន្រ្តី រដ្ឋមន្រ្តីក្រសួងរៀបចំដែនដីនគររូបនីយកម្ម និងសំណង់បានស្នើសុំគោលការចំនួន ៥ ចំណុច ដើម្បីទប់ស្កាត់សំណង់ឥតច្បាប់។នេះបើយោងតាមលិខិតមួយច្បាប់ផ្ញើជូនសម្តេចតេជោ ហ៊ុន សែន ចុះកាលពីថ្ងៃទី២៧ ខែមិថុនា ម្សិលមិញ។
វិធានការទាំង៥ចំណុចនោះរួមមាន៖
១) ក្រសួងរ៉ែ និងថាមពលចាត់វិធានការមិនឱ្យមានការ មិនឱ្យមានការផ្គត់ផ្គង់ថាមពលអគ្គិសនីដល់ការដ្ឋានសំណង់។
២) ក្រសួងឧស្សាហ៍កម្ម និងសិប្បកម្ម ចាត់វិធានការមិនឱ្យមានការផ្គត់ផ្គង់ទឹកស្អាតដល់ការដ្ឋានសំណង់ ។
៣) ក្រសួងសាធារណៈការ និងដឹកជញ្ជូនចាត់វិធានការមិនឱ្យមានការភ្ជាប់ប្រព័ន្ធលូចូលបណ្តាញលូសាធារណៈ។
៤)ក្រសួង ស្ថាប័ន និងអង្គភាពមានសមត្ថកិច្ច មិនត្រូវផ្តល់លិខិតអនុញ្ញាតឱ្យប្រកបអាជីវកម្ម។
៥) ក្រសួងព័ត៌មាន និងអង្គភាពមានសមត្ថកិច្ច មិនត្រូវអនុញ្ញាតឱ្យផ្សព្វផ្សាយពាណិជ្ជកម្ម។
