ភ្នំពេញ ៖កម្ពុជារកចំណូលបានចំនួន ៦ ៩០៣ ៣៨០ ដុល្លារ ពីការលក់បណ្ណចូលទស្សនារមណីយដ្ឋានអង្គររបស់ទេសចរបរទេសចំនួន ១៤៦ ១៤០ នាក់ សម្រាប់ខែមករា ឆ្នាំ២០២៥។ចំណូលនេះកើនឡើង២៥,៥៦ភាគរយ ធៀបនឹងខែមករា ឆ្នាំ២០២៣។នេះបើយោងតាមសេចក្តីប្រកាសពត៌មានរបស់គ្រឹះស្ថានអង្គរ។
ក្រៅពីចំណូលដែលទទួលបានពីការលក់បណ្ណជូនភ្ញៀវទេសចរបរទេសទស្សនារមណីយដ្ឋានអង្គរ គ្រឹះស្ថានអង្គរក៏ទទួលបានចំណូលពីលក់បណ្ណជូនភ្ញៀវវទេសចរនៅប្រាសាទកោះកេរ មានទឹកប្រាក់ជាង ១៧៥៤០ ម៉ឺនដុល្លារអាមេរិកពីទេសចរបរទេស៦៨៩នាក់។
ចំណែកការលក់សំបុត្រទូកនាខែមករាទទួលបានចំណូលចំនួន១២០ ៧១៧ដុល្លារអាមេរិករីឯចំណូលពីការលក់សំបុត្រភ្នំក្បាលស្ពាន មានចំនួន៦៤០ដុល្លារពីទេសចរ១២៨នាក់។សម្រាប់ចំណូលឧបត្ថម្ភមូលនិធិគន្ធបុប្ផារយៈពេលមានចំនួន២៩២ ២៨០ ដុល្លារ។
គួររំលឹកថា៖ ឆ្នាំ២០២៤ គ្រឹះស្ថានអង្គរបានលក់បណ្ណជូនភ្ញៀវទេសចរបរទេសចូលទស្សនារមណីយដ្ឋានអង្គរចំនួន១ ០២៣ ៦៨៨នាក់ និងទទួលបានទឹកប្រាក់ចំនួន ៤៧ ៨២៦ ៩៨១ ដុល្លារអាមេរិក ៕
