កុំចេះតែឆ្ងាញ់ ឈប់បានឈប់ទៅ មកដឹងសារៈប្រយោជន៍នៃការឈប់ពិសាបារីវិញម្តង!

ការពិសាបារី គឺជាកត្តាដែលបណ្ដាលអោយកើតមានជំងឺធ្ងន់ធ្ងរជាច្រើនប្រភេទ។ តាមរយៈការសិក្សាបានបង្ហាញថា ប្រសិនបើយើងបញ្ឈប់ការទទួលទានបារីកាន់តែឆាប់ នោះផលប្រយោជន៍ដែលយើងទទួលបាននឹងកាន់តែច្រើន។

សារៈប្រយោជន៍ជាចំបងនៃការឈប់ទទួលទានបារីមានដូចជា
– កាត់បន្ថយហានិភ័យនៃជំងឺសរសៃឈាម និងបេះដូង
– កាត់បន្ថយហានិភ័យនៃជំងឺរលាកទងសួតរ៉ាំរ៉ៃ
– កាត់បន្ថយអត្រាជំងឺមហារីកជាច្រើន
– កាត់បន្ថយអត្រាជំងឺដំបៅក្រពះ និង ជួយអោយដំបៅក្រពះឆាប់ជាសះស្បើយ
និងលើសពីនេះទៅទៀតថែមទាំងការពារមិនអោយមានជំងឺពុកឆ្អឹង និងជំងឺដទៃទៀតជាច្រើនផងដែរ។

ការពារខ្លួនយើង និងមនុស្សជាទីស្រលាញ់ របស់អ្នកកុំអោយមានជំងឺដូចដែលបានរៀបរាប់ខាងលើ សូម បញ្ឈប់ការទទួលទានបារីតាមការណែនាំរបស់អ្នកជំនាញ។