បន្ទាប់ពីបានធ្វើអន្តរាគមន៍ដាក់ស្តេនជោគជ័យ អ្នកប្រដាល់ជនជាតិអង់គ្លេសបានរួចផុតពីហានិភ័យនៃជំងឺស្ទះសរសៃឈាមខួរក្បាលដែលបណ្តាលមកពីការដាច់ធ្លាយសរសៃឈាមការូទីតពេលកំពុងហាត់គុនខ្មែរ។
វេជ្ជបណ្ឌិតត្រូវប្រើស្តេនពីរត្រួតគ្នាដើម្បី “ពង្រឹង” កន្លែងដាច់ធ្លាយប្រវែង៨០មីលីម៉ែត្រ។
របួសសរសៃឈាមលើកំរាលហាត់គុន
លើកំរាលហាត់ក្បាច់គុនខ្មែរនៅកម្ពុជា លោក A.M (អាយុ ៣៤ឆ្នាំ សញ្ជាតិអង់គ្លេស) ស្រាប់តែមានអារម្មណ៍អស់កម្លាំង វិលមុខ ភ្នែកព្រិលៗ និងមានអារម្មណ៍ថាភ្នែកទាំងពីរមិនស្មើគ្នា។ ក្រោយពីពិនិត្យនៅមន្ទីរពេទ្យ គ្រូពេទ្យកម្ពុជាបានធ្វើរោគវិនិច្ឆ័យថាគាត់មានជំងឺ Horner ដោយសាដាច់ធ្លាយសរសៃឈាម។
ថត MRI ខួរក្បាល គ្រូពេទ្យបានរកឃើញកន្លែងដាច់ប្រវែង ៨០ មីលីម៉ែត្រពីដើមសរសៃឈាមការូទីតខាងក្នុងទៅដល់លលាដ៍ក្បាល។ ដោយសារខ្វះបទពិសោធន៍ក្នុងការព្យាបាលករណីនេះ ក្រោយរយៈពេល៤ថ្ងៃ គ្រូពេទ្យកម្ពុជាបានស្នើឱ្យផ្ទេរអ្នកជំងឺទៅមន្ទីរពេទ្យ FV – កន្លែងដែលមានឧបករណ៍ពេញលេញ និងបុគ្គលិកពេទ្យដែលមានបទពិសោធន៍ដើម្បីព្យាបាល។
ពិនិត្យឱ្យលោក A.M. វេជ្ជបណ្ឌិត ង្វៀន មិញ ឌឹក – នាយកដ្ឋានវះកាត់សរសៃប្រសាទ និងអន្តរាគមន៍សរសៃប្រសាទ – បានកំណត់ថាអ្នកជំងឺមានដាច់ធ្លាយសរសៃឈាមការូទីត។ នេះគឺជាស្ថានភាពដែលស្រទាប់នៃជញ្ជាំងសរសៃឈាមការូទីតដាច់ពីគ្នា ដូចជាការរហែកធ្លាយនៅក្នុងទុយោទឹក។ ឈាមហូរចូលទៅក្នុងស្រទាប់កណ្តាលនៃជញ្ជាំងសរសៃឈាម បង្កើតជាកំណកឈាម។ ប្រសិនបើមិនបានព្យាបាលទាន់ពេលទេ វាអាចបណ្តាលឱ្យស្ទះសរសៃឈាម ធ្វើឱ្យខួរក្បាលខ្វះឈាម និងនាំឱ្យស្ទះសរសៃឈាមខួរក្បាល ឬកំណកឈាមរសាត់ទៅឆ្ងាយ។
“អ្នកជំងឺចូលមន្ទីរពេទ្យដោយមានអាការៈឈឺក្បាល និងវិលមុខ ប៉ុន្តែមិនមានអការៈទន់ដៃជើងនោះទេ។ យើងបានចេញវេជ្ជបញ្ជាថ្នាំប្រឆាំងនឹងកំណកឈាមដើម្បីការពារការកកឈាម ហើយគ្រោងធ្វើអន្តរាគមន៍ផ្សេងទៀត ប្រសិនបើស្ថានភាពកាន់តែអាក្រក់ទៅៗ។ ទោះជាយ៉ាងនេះក្តី អ្នកជំងឺមានការព្រួយបារម្ភយ៉ាងខ្លាំងអំពីសុខភាពរបស់គាត់ ហើយចង់អនុវត្តនីតិវិធីដាក់ស្តេនដើម្បីដោះស្រាយទាំងស្រុងនូវហានិភ័យនៃការកើតឡើងវិញ” វេជ្ជបណ្ឌិត ង្វៀន មិញ ឌឹក បានរៀបរាប់ឡើង។
ប្រើប្រាស់ ២ ស្តេនដើម្បី “ ប៉ះ” សរសៃឈាមការូទីតដែលដាច់ធ្លាយ
មុនពេលនីតិវិធី លោក A.M. ត្រូវបានពិភាក្សាយ៉ាងល្អិតល្អន់ជាមួយវេជ្ជបណ្ឌិតអំពីស្ថានភាព និងវិធីព្យាបាលរបស់គាត់។ ដោយសារការដាច់ធ្លាយសរសៃឈាមមានប្រវែងដល់ទៅ ៨០ មីលីម៉ែត្រ ទើបត្រូវប្រើពីរស្តេនត្រួតលើគ្នាដើម្បីធានាភាពរីកធំល្អនៃសរសៃឈាម។
នីតិវិធីអនុវត្តដោយលោកវេជ្ជបណ្ឌិត ឌឹក និងក្រុមការងារបានដំណើរការយ៉ាងរលូនក្នុងរយៈពេល ៣ ម៉ោងនៅបន្ទប់ Cathlab ដោយមានការគាំទ្រពីប្រព័ន្ធឧបករណ៍ទំនើប ជាពិសេសប្រព័ន្ធថតឌីជីថលលុបផ្ទៃខាងក្រោយ (DSA)រួមបញ្ចូលកិច្ចការច្រើន – ដែលអាចថតរូបសរសៃឈាមបេះដូង សរសៃឈាមខួរក្បាល និងសរសៃឈាមពេញរាងកាយ។ ពីស្នាមវះនៅភ្លៅ វេជ្ជបណ្ឌិតបញ្ចូលបំពង់តូចដោយមានស្តេនភ្ជាប់ទៅក្នុងសរសៃអាទែរហូតដល់ទីតាំងនៃសរសៃឈាមដែលដាច់ធ្លាយ។ ស្តេនត្រូវបានដាក់នៅកន្លែងស្នាមដាច់ធ្លាយដើម្បី “តំណរភ្ជាប់” សរសៃឈាមការូទីត ពេលនោះឈាមអាចហូរជាធម្មតាឡើងវិញ។
អ្នកជំងឺត្រូវបានបញ្ជូនទៅនាយកដ្ឋានជំងឺបេះដូង និងអន្តរាគមន៍បេះដូងដើម្បីពិនិត្យបន្ថែម។ វេជ្ជបណ្ឌិតបានចេញវេជ្ជបញ្ជាឱ្យប្រើថ្នាំប្រឆាំងនឹងប្លាកែតក្នុងរយៈពេលយូរដើម្បីការពារការកកឈាមនៅកន្លែងស្តេន។
ដោយការយកចិត្តទុកដាក់របស់វេជ្ជបណ្ឌិត អ្នកជំងឺបានជាសះស្បើយយ៉ាងឆាប់រហ័សបន្ទាប់ពីការវះកាត់ ហើយ ៨ ថ្ងៃក្រោយមកបានចេញពីមន្ទីរពេទ្យ។ ទោះបីជាគាត់បានជាសះស្បើយហើយក៏ដោយ វេជ្ជបណ្ឌិតនៅតែព្រមានថា លោក A.M មិនអាចត្រឡប់មកប្រកួតវិញបានទេ ដោយសារតែហានិភ័យនៃការខូចស្តេនអាចកើតឡើងវិញ។
“ខ្ញុំបានប្រកួតអស់រយៈពេលជាង ២០ ឆ្នាំមកហើយ នេះក៏ជាពេលវេលាសម្រាកហើយផ្លាស់ប្តូរទៅជាគ្រូបង្វឹក។ អរគុណគ្រូពេទ្យដែលបានជួយសង្គ្រោះជីវិតខ្ញុំ” លោក A.M បាននិយាយដោយដឹងគុណ។
ហានិភ័យនៃជំងឺស្ទះសរសៃឈាមខួរក្បាលដោយសាររបួសកីឡាតំបន់ក
ថ្មីៗនេះ មិនត្រឹមតែអត្តពលិកប៉ុណ្ណោះទេថែមទាំងអ្នកដែលហាត់ប្រាណ ហ្វឹកហាត់ដើម្បីសុខភាពក៏អាចរងរបួសកីឡា។ សម្រាប់អត្តពលិក ជាពិសេសអ្នកដែលចូលរួមក្នុងកីឡាដែលមានការប្រកួតផ្ទាល់ ការរងរបួសតំបន់កអាចនាំឱ្យមានផលវិបាកធ្ងន់ធ្ងរដូចជាជំងឺខ្វះឈាមឡើងខួរក្បាល ឬស្ទះសរសៃឈាមខួរក្បាល។
វេជ្ជបណ្ឌិត ឌឹក ណែនាំថាអ្នកដែលលេងកីឡាដែលមានការប្រកួតប្រជែងគួរតែយកចិត្តទុកដាក់លើរបួសតំបន់ក។ ផលប៉ះពាល់ធ្ងន់ធ្ងរអាចបណ្តាលឱ្យដាច់ធ្លាយសរសៃឈាមអារទែដែលនាំឱ្យខ្វះឈាមឡើងខួរក្បាលឬសូម្បីតែការគាំងបេះដូងភ្លាមៗដោយសារតែការសង្កត់នៃសរសៃប្រសាទការូទីត Carotid Sinus ។
លោកបណ្ឌិត វេជ្ជបណ្ឌិត ហូ មិញ ទ្វឹន – ប្រធានផ្នែកជំងឺបេះដូង និងអន្តរាគមន៍បេះដូង – បានឱ្យដឹងថា មូលហេតុនៃដាច់ធ្លាយសរសៃឈាមការូទីតច្រើនតែទាក់ទងនឹងកត្តាសំខាន់ពីរគឺ៖ របួស និងកត្តាហ្សែននៃជំងឺសរសៃឈាម។
“ត្រូវរបួសម្តងហើយម្តងទៀត សូម្បីតែស្រាលក៏ដោយ ក៏អាចធ្វើឱ្យខូចជញ្ជាំងសរសៃឈាម បង្កើតលក្ខខណ្ឌឱ្យជំងឺវិវត្ត។ ក្រៅពីនេះ អ្នកដែលមានជំងឺសរសៃឈាមស្រាប់ដូចជាជំងឺក្រិនសរសៃឈាម (atherosclerosis) ឬជំងឺភាពមិនប្រក្រជាលិកាភ្ជាប់ហ្សែន រោគសញ្ញា Marfan ក៏មានហានិភ័យខ្ពស់នៃជំងឺនេះផងដែរ» វេជ្ជបណ្ឌិត ទ្វឹន បានវិភាគ។
ការដាច់ធ្លាយសរសៃឈាមការូទីតជាធម្មតាកើតឡើងចំពោះមនុស្សដែលមានអាយុក្រោម ៥០ ឆ្នាំ។ នៅក្នុងក្រុមនេះ មូលហេតុនៃការដាច់ធ្លាយសរសៃឈាមការូទីតគឺឡើងដល់ 30-40% ។ នេះបង្ហាញថាការដាច់ធ្លាយសរសៃឈាមការូទីតគឺជាមូលហេតុនៃជំងឺស្ទះសរសៃឈាមខួរក្បាលចំពោះមនុស្សវ័យក្មេង។
ដើម្បីធ្វើការណាត់ជួបនៅផ្នែកវះកាត់សរសៃប្រសាទ និងអន្តរាគមន៍សរសៃប្រសាទរបស់ FV សូមទាក់ទងការិយាល័យតំណាងភ្នំពេញ តាមរយៈលេខ (+855) 023 211 777 ឬ តេលេក្រាមលេខ +855 089 999 345
