ក្រសួងទេសចរណ៍ និងសភាវិទ្យាសាស្ត្រសង្គមចិន Chinese Academy of Social Sciences (CASS) បានបើកកិច្ចសហប្រតិបត្តិការលើវិស័យទេសចរណ៍រវាងកម្ពុជា-ចិន ដើម្បីទាក់ទាញទេសចរចិនឱ្យមានកំណើនជាលំដាប់នៅកម្ពុជា។
ការជំរុញនេះ ត្រូវបានធ្វើបានធ្វើឡើងរវាងលោក ហួត ហាក់ រដ្ឋមន្ត្រីក្រសួងទេសចរណ៍ និងលោក Zhen Zhanmin អនុប្រធានបណ្ឌិត្យសភាវិទ្យាសាស្ត្រសង្គមចិន Chinese Academy of Social Sciences (CASS) កាលថ្ងៃទី២៤ ខែមីនា ឆ្នាំ២០២៥។
តាមរយៈជំនួបនោះ ភាគីទាំងពីរ បាននបើកកិច្ចពិភាក្សាការងារផ្លាស់ប្តូរទស្សនៈស៊ីជម្រៅអំពីការបង្កើតកិច្ចសហប្រតិបត្តិការរួមគ្នារវាងស្ថាប័នទំាងពីរ ដើម្បីជម្រុញ និងអភិវឌ្ឍទេសចរណ៍កម្ពុជាចិន ដែលរួមមានការរៀបចំទស្សនកិច្ចដកស្រង់និងផ្លាស់ប្តូរបទពិសោធចាប់ពីកម្រិតថ្នាក់ដឹកនាំនិងកម្រិតបច្ចេកទេស និងការពង្រឹងសមត្ថភាពមន្ត្រីរាជការ ព្រមទាំងការរួមគ្នាផ្សព្វផ្សាយសក្តានុពលទេសចរណ៍កម្ពុជាទៅកាន់ប្រជាជនចិន ដើម្បីទាក់ទាញប្រជាជនចិនឱ្យអញ្ជើញមកដំណើរកម្សាន្តនៅកម្ពុជាឱ្យច្រើនឡើងជាលំដាប់។
សូមជម្រាប់ដែរថា គិតត្រឹមឆ្នាំ២០២៤ កន្លងទៅនេះ វិស័យទេសចរណ៍ររបស់កម្ពុជា មានការកើនឡើងប្រមាណជិត ២៣ % ធៀបនឹងឆ្នាំ២០២៣។ជាមួយនឹងកំណើននេះ ឃើញថា ក្នុងឆ្នាំ២០២៤នេះ កម្ពុជា ទទួលបានទេសចរចិនប្រមាណ ៨៥ម៉ឺននាក់ កើនឡើងជាង២២% ផងដែរ។
នេះបើយោងតាមសេចក្តីប្រកាសព័ត៌មាន ស្តីពីលទ្ធផលនៃការចូលរួមព្រឹត្តិការណ៍បិទយុទ្ធនាការ «ឆ្នាំនៃការផ្លាស់ប្តូរប្រជាជននិង ប្រជាជន កម្ពុជា-ចិន» និងកម្មវិធីពាក់ព័ន្ធនៅទីក្រុងចឹងចូវ ខេត្តហឺណាន សាធារណរដ្ឋប្រជាមានិតចិន ដែលផ្សាយដោយក្រសួងទេសចរណ៍ កាលថ្ងៃទី ២៧ ខែកុម្ភៈ ឆ្នាំ២០២៥៕អត្ថបទ៖ហ្សាលីន
