សារព័ត៌មានឌីជីថល ឧកញ៉ាញូស៍ ទទួលការកោតសរសើរពីអង្គភាពអ្នកនាំពាក្យរាជរដ្ឋាភិបាល

សារព័ត៌មានឌីជីថល ឧកញ៉ាញូស៍ (Oknha News) បានទទួលការកោតសរសើរ និងថ្លែងអំណរគុណពីអង្គភាពអ្នកនាំពាក្យរាជរដ្ឋាភិបាល នៅថ្ងៃទី០២ ខែមេសា ឆ្នាំ២០២៥នេះ បន្ទាប់ពីបានចូលរួមយ៉ាងសកម្មក្នុងការផ្សព្វផ្សាយគោលនយោបាយ និងសមិទ្ធផលនានារបស់រាជរដ្ឋាភិបាល នីតិកាលទី៧ នៃរដ្ឋសភា ព្រមទាំងសកម្មភាពប្រតិកម្ម និងបុរេសកម្មនានារបស់ អង្គភាពអ្នកនាំពាក្យរាជរដ្ឋាភិបាល។

ក្នុងឱកាសទទួលបណ្ណសរសើរនេះ គណៈគ្រប់គ្រង និងបុគ្គលិកទាំងអស់ នៃសារព័ត៌មានឌីជីថល OKNHA NEWS សូមគោរពអរគុណ ឯកឧត្ដម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល (អ.អ.រ) ដែលបានផ្ដល់កិត្តិយសប្រគល់បណ្ណសរសើរ ក្នុងនាមជាស្ថាប័នដែលបានចូលរួមផ្សព្វផ្សាយគោលនយោបាយ និងសមិទ្ធផលនានារបស់រាជរដ្ឋាភិបាលអាណត្តិទី ៧ នៃរដ្ឋសភា ព្រមទាំងសកម្មភាពប្រតិកម្ម និងបុរេសកម្មរបស់ អ.អ.រ។