សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នាថ្ងៃទី៣ ខែមេសា ឆ្នាំ២០២៥ បានចេញព្រះរាជក្រឹត្យតែងតាំងមុខតំណែង លោកជំទាវ នេត ធីតាវិឈុណា បច្ចុប្បន្នអគ្គនាយករង នៃអគ្គនាយកដ្ឋានអាស៊ាន ជា «អនុរដ្ឋលេខាធិការ» នៃក្រសួងការបរទេស និងសហប្រតិបត្តិការអន្តរជាតិ។
លោកជំទាវ នេត ធីតាវិឈុណា ជាកូនស្រីរបស់ ឯកឧត្តមសន្តិបណ្ឌិត នេត សាវឿន អតីតអគ្គស្នងការនគរបាលជាតិ បច្ចុប្បន្នជាឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជា នាយករដ្ឋមន្រ្តីស្តីទី នៅពេលនាយករដ្ឋមន្រ្តីអវត្តមានផងដែរ។
សូមជម្រាបថា លោកជំទាវ នេត ធីតាវិឈុណា ជាភរិយារបស់ឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ។ អ្នកទាំងពីរបានរៀបអាពាហ៍ពិពាហ៍ជាមួយគ្នា កាលពីថ្ងៃទី០១ ខែមិថុនា ឆ្នាំ២០២៣ ដែលមានការអញ្ជើញចូលរួមពីភ្ញៀវកិត្តិយស ពីសំណាក់សម្តេច ឯកឧត្តម លោកជំទាវ ឥស្សរជនជាន់ខ្ពស់របស់ជាតិ ព្រមទាំង លោកអ្នកឧកញ៉ា អ្នកឧកញ៉ា និងឧកញ៉ាៗជាច្រើនរូប៕
