ស្បៀង និងគ្រឿងឧបភោគបរិភោគតម្លៃធូរថ្លៃ អតិថិជនក្នុងតំបន់ក្រហមស្កេនតែ QR Code មួយនេះអាចបញ្ជាទិញបានយ៉ាងងាយ

បន្ទាប់ពីប្រជុំរៀបចំក្រុមការងារ ទីផ្សារអនឡាញ ថ្ងៃទី២១ ខែមេសា ឆ្នាំ២០២១នេះ ក្រសួងពាណិជ្ជកម្ម បាន​សម្រេចដាក់ឱ្យប្រើប្រាស់នូវ QR Code លក់ទំនិញគ្រឿងឧបភោគបរិភោគចាំបាច់មួយចំនួនបានតាមប្រព័ន្ធអនឡាញ សម្រាប់ប្រជាពលរដ្ឋដែលកំពុងតែរស់នៅក្នុងតំបន់ក្រហម។

វិធីកុម្ម៉ង់ទំនិញតាមអនឡាញនេះ គឺមានភាពងាយស្រួល និងសាមញ្ញមែនទែន។ ពោល អតិថិជន គ្រាន់តែធ្វើការបើកកាមេរ៉ា ស្កេនទៅលើ QR Code ដូចក្នុងរូបនេះ រួចធ្វើការចុះឈ្មោះ តាមការណែនាំជាការស្រេច។ ទន្ទឹមគ្នានោះ អតិថិជនក៏អាច ចុចសួរព័ត៌មានពីការកុម្ម៉ង់ទិញ ទំនិញទាំងនោះ តាមរយៈក្រុមការងារពិសេស ដែលមានលេខទូរស័ព្ទចាំទទួលអតិថិជនរហូតដល់ទៅ ១៣ខ្សែ ឯណោះ៕