យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា គិតត្រឹមរយៈពេល៤ខែដើម ឆ្នាំ២០២១នេះ កម្ពុជាបាននាំចេញម្រេចមានចំនួន ២១៤១.៩៣តោន ថយចុះ៤.៨៩ភាគរយ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ក្នុងនោះការនាំចេញទៅប្រទេសប៊ែលហ្សិក ចំនួន៧.៥៦តោន, សារធារណរដ្ឋឆេក១.២០តោន, បារាំង៦.២០តោន, អាល្លឺម៉ង៣.៣២តោន, ជប៉ុន២.១៨តោន, កូរ៉េ១.៣០តោន, ប៉ូឡូញ៧.០៩តោន, រុស្សី០.៣១តោន, ស៊ុយអ៊ែត១.១៥តោន, កោះតៃវ៉ាន់១៥តោន, អង់គ្លេស១.២៤តោន, អាមេរិក០.៣៩តោន និងវៀតណាម ២០៩៤.៩៩តោន។
បើតាមប្រធានសមាគមម្រេចកំពត លោក ងួន ឡាយ បានបញ្ជាក់ពីតម្លៃម្រេចនៅលើទីផ្សារដោយម្រេចខ្មៅតម្លៃ១៥ដុល្លារ ក្នុងមួយគីឡូក្រាម, ម្រេចក្រហមតម្លៃ២៥ដុល្លារ ក្នុងមួយគីឡូក្រាម និងម្រេចសតម្លៃ២៨ដុល្លារ ក្នុងមួយគីឡូក្រាម។
