លោក ត្រាំ អ៊ីវតឹក បានទទួលមរណភាពក្នុងអាយុ ៧២ឆ្នាំ កាលពីម៉ោងជាង២រសៀល ថ្ងៃទី០១ ខែមិថុនា ឆ្នាំ២០២១នេះ។ បើតាមការបានឲ្យដឹងលើទំព័រហ្វេសបុក លោក សួន សេរីរដ្ឋា រដ្ឋលេខាធិការក្រសួងអភិវឌ្ឍន៍ជនបទ ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ក្នុងការចូលរួមរំលែកទុក្ខនោះលោក សួន សេរីរដ្ឋា បានបញ្ជាក់ថា មរណភាពរបស់លោកត្រាំ អ៉ីវតឹក គឺជាការបាត់បង់នូវធនធានមនុស្សដ៏សំខាន់របស់ជាតិ។ លោកជាចាស់ទុំដែលមានចរឹតដឹកនាំស្លូតបូត ម៉ឺងម៉ាត់ និងសំដីសំដៅមួយៗច្បាស់ៗ ព្រមទាំងសមញ្ញគួរជាទីគោរព និងយកគំរូរៀនសូត្រតាម។
សូមបញ្ជាក់ថា លោក ត្រាំ អ៊ីវតឹក ជាអតីតរដ្ឋមន្ដ្រីក្រសួងសាធារណការ និងដឹកជញ្ជូន និងក្រសួងប្រៃសណីយ៍ និងទូរគមនាគមន៍ ហើយបច្ចុប្បន្នជាទេសរដ្ឋមន្ត្រីទទួលបន្ទុកបេសកកម្មពិសេស៕
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
