ទឹកប្រាក់ចំនួន៥០ម៉ឺនដុល្លារសហរដ្ឋអាមេរិក ត្រូវបានក្រុមហ៊ុន ជីប ម៉ុង ដើម្បីបរិច្ចាគជូនមូលនិធិគន្ធបុប្ជាកម្ពុជាក្នុងការចូលរួមចំណែកជាមួយរាជរដ្ឋាភិបាលធានាដល់និរន្តរភាពនៃប្រតិបត្តិការរបស់មន្ទីរពេទ្យគន្ធបុប្ផា។ នេះបើតាមការលើកឡើង ផេក Chip Mong Land ។
ពិធីប្រគល់ទទួលបានធ្វើឡើង ក្រោមវត្តមានថ្នាក់ដឹកនាំក្រុមហ៊ុន និង អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលនៃមូលនិធិគន្ធបុប្ផាកម្ពុជា ។ សកម្មភាពសប្បុរសធម៌ ដ៍ធំធេងនេះ គឺជាកាយវិការដ៏គួរឱ្យគោរពរបស់ក្រុមហ៊ុន និងការធ្វើជាគំរូក្នុងការចូលរួមចំណែកជាមួយរដ្ឋាភិបាលក្នុងមូលនិធិគន្ធបុប្ផាកម្ពុជាក្នុងការទ្រទ្រង់កិច្ចដំណើរការរបស់មន្ទីរពេទ្យគន្ធបុប្ផាទាំងប្រាំទីតាំងនៅរាជធានីភ្នំពេញ និងខេត្តសៀមរាប។
សូមបញ្ជាក់ផងដែរថា កន្លងមកក្រុមហ៊ុន ជីប ម៉ុង ក៏ធ្លាប់បានបរិច្ចាគថវិកាចំនួន១០ម៉ឺនដុល្លារ ជូនមូលនិធិគន្ធបុប្ជាកម្ពុជាផងដែរ។ ដោយឡែកនៅឆ្នាំនេះ ក្រុមហ៊ុនជីប ម៉ុងបានបង្កើនទំហំទឹកប្រាក់រហូតដល់ ៥០ម៉ឺនដុល្លារសហរដ្ឋអាមេរិកសម្រាប់មូលនិធិនេះ៕
