គម្រោង Morgan Park Villa ស្ថិតនៅតាមបណ្ដោយផ្លូវជាតិលេខ 6A អាចចាត់ទុកជាគម្រោងខ្នាតធំដំបូងគេនៅកម្ពុជា ដែលអភិវឌ្ឍលំនៅដ្ឋានយកចិត្តទុកដាក់លើការរស់នៅក្នុងបរិស្ថានបៃតង។
ក្រុមហ៊ុនដែលធ្លាប់សាងសង់អគារអូឡាំព្យាស៊ីធីបានបើកគម្រោង Morgan Park Villa ដែលជាគម្រោងទីមួយដែលមានការអភិវឌ្ឍលំនៅដ្ឋានមានជាន់ក្រោមដី និងមានផ្លូវក្រោមដី ដែលមិនអនុញ្ញាតឲ្យមានម៉ូតូឡានបើកក្នុងគម្រោងដើម្បីរក្សាសុវត្ថិភាព ការពារសំឡេងរំខាន និងផ្សែងពុល។
បើយោងតាមសេចក្តីប្រកាសព័ត៌មានរបស់ក្រុមហ៊ុនអភិវឌ្ឍនេះ បានលើកពី ៩ ចំណុចជុំវិញគម្រោង Morgan Park Villa៖
១៖ Morgan Park Villa ត្រូវបានវិនិយោគ និងអភិវឌ្ឍដោយក្រុមហ៊ុន Morgan Group ដែលមានប្រវត្តិសាងសង់ និងអភិវឌ្ឍគម្រោងអចលនទ្រព្យធំៗជោគជ័យច្រើនមកហើយនៅកម្ពុជា ក្នុងនោះរួមមានអាគារអូឡាំព្យាស៊ីធី រតនផ្លាហ្សា អាគារម៉ហ្គេនថូវើកោះពេជ្រ និងគម្រោងខុនដូ Morgan EnMaison ចំនួន 6 អាគារនៅជ្រោយចង្វារជាដើម។
២៖ គម្រោងមានផ្ទៃដីសរុប ៦០ ហិចតា នៅដំណាក់កាលទីមួយនេះសាងសង់លើផ្ទៃដី ៦ ហិចតា សរុបចំនួន ៣១៧ វីឡា។ ការសាងសង់ផ្ដោតលើការរស់នៅក្នុងបរិស្ថានបៃតងដោយរក្សាផ្ទៃដី ៤៥% សម្រាប់ធ្វើជាសួនច្បារ និងកន្លែងហាត់ប្រាណ។
៣៖ តាមរយៈការចាប់ដៃគូជាមួយក្រុមហ៊ុនសាងសង់លំដាប់អន្តរជាតិដែលមានបទពិសោធន៍សង់លំនៅដ្ឋានប្រណិតក្នុងបណ្ដាប្រទេសរីកចម្រើន Morgan Park Villa នឹងត្រូវបានសាងសង់ជាគម្រោងទីមួយក្នុងប្រទេសកម្ពុជា ដែលមិនអនុញ្ញាតឲ្យមានម៉ូតូឡានបើកក្នុងគម្រោងដើម្បីរក្សាសុវត្ថិភាព ការពារសំឡេងរំខាន និងផ្សែងពុល។
៤៖ នេះគឺជាគម្រោងបុរីទីមួយដែលត្រូវធ្វើដំណើរតាមផ្លូវក្រោមដីមានទទឹងរហូតដល់ 17.5m ។
៥៖ គ្រប់វីឡាទាំងអស់សុទ្ធតែមានជាន់ក្រោមដី ដែលអាចចតឡានបានពីរគ្រឿង មានបន្ទប់គេងមួយ ឬច្នៃជាបន្ទប់មើលកុន ឬបន្ទប់ខារ៉ាអូខេនិងសួនច្បារមួយ។
៦៖ គម្រោងនឹងប្រើរយៈពេលពីរឆ្នាំ ក្នុងការសាងសង់គិតចាប់ពីខែមេសាឆ្នាំ២០២១ រហូតដល់ខែ មីនា ឆ្នាំ២០២៣ ដោយបានរៀបចំហំទំហំដី និងទំហំវីឡាជាបីប្រភេទ៖
ទំហំដី និងទំហំវីឡាទោល
-ទំហំដី 9m × 15m ទំហំផ្ទះ 7m × 11m
-ទំហំដី 12m × 22m ទំហំផ្ទះ 8m × 13m
-ទំហំដី 12m × 25m ទំហំផ្ទះ 8m × 15m
-តម្លៃចាប់ពី 238,888$
ទំហំដី និងទំហំវីឡាភ្លោះ
-ទំហំដី 8m × 12m ទំហំផ្ទះ 7m × 10m
-ទំហំដី 8m × 13m ទំហំផ្ទះ 7m × 11m
-ទំហំដី 8m × 15m ទំហំផ្ទះ 7m × 12m
-តម្លៃចាប់ពី 153,888$
៧៖ Morgan Park Villa ជាគម្រោងដែលមានលក្ខខណ្ឌបង់ប្រាក់ច្រើនជម្រើស និងមានលក្ខណៈបត់បែនស្របតាមស្ថានភាពហិរញ្ញវត្ថុរបស់អតិថិជន។
៨៖ Morgan Park Villa មានធនាគារធំៗជាដៃគូរហូតដល់៣ សម្រាប់អតិថិជនជ្រើសរើសដើម្បីទិញលំនៅដ្ឋានប្រណិតនេះក្នុងអត្រាការប្រាក់ទាប ឬអាចរំលស់ផ្ទាល់ជាមួយគម្រោងក៏បាន។
៩៖ គម្រោងស្ថិតនៅតំបន់ជ្រោយចង្វារជាប់នឹងផ្លូវជាតិលេខ 6A ចន្លោះស្ពានទី៩និងទី១០ ជាតំបន់សក្ដានុពលសេដ្ឋកិច្ចដែលបច្ចុប្បន្នកំពុងមានការអភិវឌ្ឍខ្លាំងរួមមានសួនសត្វភ្នំពេញសាហ្វារី សួនទឹក ទីលានវាយកូនហ្គោល សណ្ឋាគារហ្គាឌិនស៊ីធី ស្ថានីយទូរទស្សន៍ភីអិនអិន ក្រុមហ៊ុនរដ្ឋករទឹកវិនិយោគដោយក្រុមហ៊ុនបារាំង និងគម្រោងវិនិយោគជាច្រើនទៀត។
