គិត​ត្រឹម​ខែ​សីហា អតិថិជិន​ដាក់ប្រាក់បញ្ញើ​នៅធនាគារ​ជីប ម៉ុង មាន​ជាង ៦០០ លាន​ដុល្លារ

បើ​តាម​របាយការណ៍របស់ធនាគារ ជីប ម៉ុង គិតត្រឹមខែសីហា ឆ្នាំ២០២១ ធនាគារ ជីបម៉ុង មានអតិថិជនបានដាក់ប្រាក់បញ្ញើ រហូតដល់ជាង៦០០លានដុល្លារអាមេរិក ខណៈប្រាក់កម្ចី បានកើនឡើងដល់ជិត ៥០០លានដុល្លារអាមេរិក។

គូសបញ្ជាក់ថា ធនាគារ ជីបម៉ុង បានបង្កើតឡើងក្នុងឆ្នាំ២០១៩។ បច្ចុប្បន្ន ធនាគារ ជីប ម៉ុង មានសាខាចំនួន៨ នៅរាជធានីភ្នំពេញ និង៣សាខាទៀត ស្ថិតនៅខេត្តកំពង់ចាម បាត់ដំបង និងសៀមរាប។

កាលពីពេល​ថ្មីៗនេះ ធនាគារជាតិ នៃកម្ពុជា បានអនុម័តជូនធនាគារ ជីប ម៉ុង បន្ថែមដើមទុនចុះបញ្ជី ចំនួន៣០លានដុល្លារអាមេរិកបន្ថែមទៀត ដែលធ្វើឲ្យដើមទុនសរុប កើនឡើងរហូតដល់១០៥លានដុល្លារអាមេរិក។ ចំណែកទ្រព្យសកម្មរបស់ធនាគារ មានសរុបជិត៧០០លានដុល្លារអាមេរិក៕