មិន​ពិបាក​ឈរ​ចាំ​គិត​លុយ​​យូរ​ទៀតទេ ផ្សារ​អ៊ីអនទើប​សហការប្រើ​បច្ចេកវិទ្យា​ថ្មី នាំ​បទពិសោធន៍ទិញទំនិញកាន់តែមានភាពងាយស្រួល

នាព្រឹកថ្ងៃទី១៩ ខែតុលា ឆ្នាំ២០២១នេះ ក្រុមហ៊ុន អុីអន ម៉ល ខេមបូឌា និងធនាគារ ABA បានចុះកិច្ចព្រមព្រៀងលើការទទួលស្គាល់សាច់ប្រាក់អេឡិចត្រូនិក ដើម្បីផ្តល់បទពិសោធន៍ទិញទំនិញកាន់តែមានភាពងាយស្រួល និងសុវត្ថិភាពសម្រាប់អតិថិជនរបស់ផ្សារទំនើប អុីអន ម៉ល។

ក្រោមកិច្ចសហប្រតិបត្តិការនេះ អតិថិជនរបស់ ធនាគារ ABA មិនចាំបាច់ចំណាយពេលយូរក្នុងការទូទាត់ជាមួយនឹងក្រដាសប្រាក់ឡើយ ដោយគ្រាន់តែស្កែន ABA Pay QR នៅតាមកន្លែងគិតប្រាក់នានា ជាមួយនឹងកម្មវិធី (App) ABA Mobile នៅក្នុងផ្សារទំនើប អុីអន ម៉ល ទាំង២សាខា ដែលមានហាង និងផ្សារលក់ទំនិញច្រើនជាង២០០កន្លែង។