រាជបណ្ឌិត្យសភាកម្ពុជាបានរៀបចំការប្រឡងអនុវត្តបញ្ចប់វគ្គបណ្ដុះបណ្ដាលបច្ចេកទេស និងវិជ្ជាជីវៈជំនាញចុងភៅវគ្គទី១ ក្រោយពីមានការប្រឡងបញ្ចប់វគ្គទ្រឹស្ដី។
ការប្រឡងនេះ មានការចូលរួមពីសិក្ខាកាមចំនួន ១០ រូប ដែលបានទទួលការបណ្តុះបណ្តាលរយៈពេល ២ខែ លើមុខម្ហូប ៣៦ មុខ រួមមានម្ហូបអឺរ៉ុប អាស៊ី និងអ៊ីតាលី។
ដំណើរការនៃការប្រឡងចែកជាពីរវគ្គ។ វគ្គទី១ សិក្ខាកាម ត្រូវរៀបចំចម្អិនម្អូប ២ មុខ (ក្តៅ និង ត្រជាក់) ដើម្បីដាក់ជូនគណៈកម្មការវាយតម្លៃ និងផ្តល់យោបល់។ វគ្គទី២ សិក្ខាកាមនឹងដាក់បង្ហាញមុខម្ហូបដែលខ្លួនបានរៀបចំ ហើយធ្វើបទបង្ហាញលើអត្ថន័យនៃម្ហូបរបស់ខ្លួនជូនគណៈកម្មការវាយតម្លៃ។
គណៈកម្មការដែលចូលរួមមាន៣រូប គឺ លោកគ្រូ ស័រ សំអាង ជាគ្រូបង្គោល លោកសែន ឫទ្ធី ជាប្រធានចុងភៅ នៃសណ្ឋាគារ The Plantation Urban Resort & Spa និង លោក សុង តេង ជាប្រធានសមាគមសហគមន៍ចុងភៅកម្ពុជា។
គួរបញ្ជាក់ថា ក្រៅពីការបណ្តុះបណ្តាលថា្នក់បរិញ្ញាបត្រជាន់ខ្ពស់ និងថ្នាក់បណ្ឌិត រាជបណ្ឌិត្យសភាកម្ពុជាក៏មានបណ្តុះបណ្តាលបច្ចេកទេសនិងវិជ្ជាជីវៈ ជំនាញចុងភៅ ក្រឡុកស្រា ក្រឡុកផ្លែឈើ និងឆុងកាហ្វេផងដែរ៕
