ក្រុមហ៊ុន Apple នឹងបន្តពង្រីកការបិទហាងលក់រាយរបស់ខ្លួនថែមទៀតក្នុងប្រទេសចិន ដោយសារតែការផ្ទុះឡើងនូវមេរោគកូរ៉ូណាប្រភេទថ្មី បើទោះបីជាខ្លួនប្រាថ្នាចង់បើកការិយាល័យសាជីវកម្ម និងមជ្ឈមណ្ឌលទំនាក់ទំនងបន្ថែមទៀតនៅក្នុងប្រទេសនេះក្តី។
ក្រុមហ៊ុននេះ កាលពីដើមខែធ្លាប់បាននិយាយថាខ្លួននឹងបិទហាងរួមទំាងការិយាល័យសាជីវកម្មទាំងអស់របស់ខ្លួននៅក្នុងប្រទេសចិនដីគោករហូតដល់ថ្ងៃទី៩ ខែកុម្ភៈ ដោយសារការផ្ទុះឡើងនូវមេរោគកូរ៉ូណាប្រភេទថ្មី។
យោងតាមសេចក្តីថ្លែងការរបស់ក្រុមហ៊ុនបានលើកឡើងថា “យើងកំពុងធ្វើការឆ្ពោះទៅរកការបើកឡើងវិញនូវការិយាល័យសាជីវកម្មនិងមជ្ឈមណ្ឌលទំនាក់ទំនងរបស់យើងនៅដើមសប្តាហ៍ក្រោយ ហើយយើងកំពុងធ្វើការរៀបចំបើកហាងលក់រាយរបស់យើងឡើងវិញផងដែរ” ។ក្នុងសេចក្តីថ្លែងការណ៍ដដែលបានបន្តទៀតថា “យើងនឹងបន្តធ្វើបច្ចុប្បន្នភាពសម្រាប់អតិថិជនរបស់យើង”។
ក្រុមហ៊ុន Apple នៅតែបន្តពឹងពាក់លើប្រទេសចិនទាំងសម្រាប់ការលក់ស្មាតហ្វូន ក៏ដូចជាសង្វាក់ផ្គត់ផ្គង់ព្រមទំាងសង្វាក់ផលិតកម្មផងដែរ៕
ប្រែសម្រួល៖
ឧកញ៉ា មហាសន្ដោស
