ក្នុងចំណោមជើងហោះហើរអន្តរជាតិ ខេត្តសៀមរាបមានជើងហោះហើរអន្តរជាតិពីកោះហ្កាំរបស់អាមេរិក តាមរយៈក្រុមហ៊ុន Air Iceland។
ភ្ញៀវទេសចរអន្តរជាតិចូលមកខេត្តសៀមរាបតាមផ្លូវអាកាសមានប្រមាណ ៧០% នៃចំនួនភ្ញៀវអន្តរជាតិសរុប។ ខេត្តទេសចរដ៏ធំរបស់កម្ពុជានេះ ទទួលបានជើងហោះហើរអន្តរជាតិជាប្រចាំពី ៧-៨ជើងក្នុងមួយថ្ងៃ និងជាមធ្យមទទួលបានអ្នកដំណើរជាមធ្យម៧០០-៨០០នាក់ក្នុងមួយថ្ងៃ។
ក្រៅពីក្រុមហ៊ុន Air Iceland ដែលដឹកភ្ញៀវទេសចរពីកោះហ្កាំរបស់អាមេរិកមកខេត្តសៀមរាប បច្ចប្បន្ននេះខេត្តទេសចរណ៍ធំបំផុតរបស់កម្ពុជានេះ មានជើងហោះហើរអន្តរជាតិមានដូចជាក្រុមហ៊ុន Singapore Airline (សិង្ហបុរី-សៀមរាប) ក្រុមហ៊ុន Air Asia (គូឡាឡាំពួរ-សៀមរាប និងបាងកក-សៀមរាប) ក្រុមហ៊ុន Cambodia Angkor Air (ហូជីមីញ-សៀមរាប និងដាណាង-សៀមរាប) ក្រុមហ៊ុន Vietnam Airline (ហូជីមីញ-សៀមរាប) ក្រុមហ៊ុន Thai Smile (បាងកក-សៀមរាប) ក្រុមហ៊ុន China Eastern (គួនមីង-សៀមរាប) ក្រុមហ៊ុន Bangkok Air (បាងកក-សៀមរាប)។ ក្រៅពីនេះក៏មានជើងហោះហើរក្នុងស្រុក មានក្រុមហ៊ុន Cambodia Angkor Air (ភ្នំពេញ-សៀមរាប) និង (កំពង់សោម-សៀមរាប) និងក្រុមហ៊ុន Cambodia Airway (ភ្នំពេញ-សៀមរាប)។
ក្រសួងទេសចរណ៍បានបញ្ជាក់ថា ក្នុងរយៈពេល ៧ ខែឆ្នាំ ២០២២ ខេត្តសៀមរាបមានជើងហោះហើរក្រៅប្រទេសចំនួន ៥៥០ ជើង។ ក្នុងរយៈពេល ៧ ខែឆ្នាំ ២០២២ ខេត្តសៀមរាបទទួលភ្ញៀវអន្តរជាតិជាង ៨ ម៉ឺននាក់ កើនឡើង ១៣៥១.៧៧%៕
