មន្ត្រីរាជការ ៥រូបប្រកាសចូលកាន់ដំណែងផ្លូវការ នៃមន្ទីរសាធារណការខេត្តកណ្តាល

រដ្ឋបាលខេត្តកណ្តាល ប្រកាសតែងតាំង ប្រគល់ភារកិច្ចជូនមន្រ្តីរាជការចំនួន ៥រូប នៃមន្ទីរសាធារណការ និងដឹកជញ្ជូនខេត្តកណ្តាល ក្រោមវត្តមានលោក គង់ សោភណ្ឌ អភិបាលខេត្តកណ្តាល នារសៀលថ្ងៃសុក្រ ទី២៣ ខែកញ្ញានេះ។

មន្រ្តីរាជការ ដែលត្រូវបានតែងតាំង និងផ្ទេរភារកិច្ច រួមមាន៖ លោក ប៉ែត សារ៉ាត់ ជាអនុប្រធានមន្ទីរសាធារណការនិងដឹកជញ្ជូនខេត្តកណ្តាល លោក ចេង ឃីម ជាអនុប្រធានមន្ទីរសាធារណការនិងដឹកជញ្ជូនខេត្តកណ្តាល លោក ឌួង វណ្ណៈ ជាប្រធានការិយាល័យដឹកជញ្ជូនផ្លូវទឹក និងកំពង់ផែ
លោក ជា ឆេកូ ជាអនុប្រធានការិយាល័យបច្ចេកទេស និងលោក អ៊ុច សំនាង ជាអនុប្រធានសេវាដ្ឋានផ្តល់ប័ណ្ណបើកបរយានយន្ត នៃអង្គភាពចុះបញ្ជីនិងផ្តល់បណ្ណបើកបរយានយន្ត។

ថ្លែងក្នុងឱកាសនោះ លោក គង់ សោភណ្ឌ បានណែនាំដល់មន្ទីរសាធារណការ និងដឹកជញ្ជូនខេត្តកណ្តាល ត្រូវបន្តខិតខំជួសជុលផ្លូវ ចុះមើលផ្លូវឱ្យគ្រប់ទីកន្លែង និងត្រួតពិនិត្យករណីឡានដឹកលើសទម្ងន់ទាំងឡាយដែលខុសច្បាប់ ត្រូវធ្វើការផាកពិន័យ អនុវត្តទៅតាមច្បាប់អោយបានម៉ឺងម៉ាត់បំផុត ដោយមិន មានការលើកលែងនោះទេ៕