កញ្ញា តន់ ចន្ទសីម៉ា ជាតារាចម្រៀងជួរមុខរបស់ផលិតកម្ម Galaxy Navatra និងជាតារាស្រីមួយរូបដែលមានប្រជាប្រិយភាព មានការស្រលាញ់ ចូលចិត្តយ៉ាងច្រើនពីសំណាក់អ្នកគាំទ្រ នឹងបង្ហាញវត្តមានក្នុងការប្រគុំតន្រ្តីដើម្បីអបអរសាទរខួបលើកទី ៤៤ ដែលជាថ្ងៃកំណើតសហភាពសហព័ន្ធយុវជនកម្ពុជា ( ស ស យ ក)ដោយប្រព្រឹត្តទៅនៅថ្ងៃទី ០៣ ខែ ធ្នូ ឆ្នាំ ២០២២នេះ។ នេះ បើតាមការឱ្យដឹងពីសហភាពសហព័ន្ធយុវជនកម្ពុជា។
ក្នុងកម្មវិធីនេះ នឹងធ្វើឡើងនៅវិមានអនុស្សាវរីយ៍នយោបាយឈ្នះ ឈ្នះ (វិមានឈ្នះ ឈ្នះ) ដែលមានទីតាំងស្ថិតនៅ ព្រែកតាសេក ខណ្ឌជ្រោយចង្វា។
គួរឱ្យដឹងផងដែរថា កញ្ញា តន់ ចន្ទសីម៉ា ធ្លាប់បានបង្ហាញវត្តមានម្តងរួចមកហើយក្នុងការប្រគុំតន្រ្តីអបអរសាទរខួបលើកទី ៤១ ដែលមានអ្នកចូលរួមប្រមាណ ៩០០០នាក់ នៅពហុដ្ឋានជាតិកីឡាអូឡាំពិក កាលពីថ្ងៃទី ៣០ ខែវិច្ឆិកា ឆ្នាំ ២០១៩កន្លងទៅ។
សម្រាប់ថ្ងៃទី ០៣ ធ្នូ ខាងមុខនេះវិញ តើមានព្រឹត្តិការណ៍ ប្រគុំតន្រ្តីដ៏អស្ចារ្យជាមួយនឹងបទចម្រៀងអ្វីខ្លះ? កុំភ្លេចតាមដាន និងចូលរួមទាំងអស់គ្នា៕
