លោកឧត្តមសេនីយ៍ឯក ដួង ហេង មេបញ្ជាការរងកងអង្គរក្ស ត្រូវបានព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ចេញព្រះរាជក្រឹត្យ ត្រាស់បង្គាប់តែងតាំងមុខតំណែង ជាអនុរដ្ឋលេខាធិការ នៃក្រសួងការពារជាតិ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
តាមរយៈព្រះរាជក្រឹត្យលេខ នស/រកត/០១២៣/០៥៩ ចុះថ្ងៃទី០៧ ខែមករា ឆ្នាំ២០២៣ ព្រះមហាក្សត្រ បានត្រាស់បង្គាប់សម្រេចតែងតាំងមុខតំណែង នាយទាហាន នៃកងយោធពលខេមរភូមិន្ទ ដល់ឧត្តមសេនីយ៍ឯក ដួង ហេង អត្តលេខ ០០១២៨៤ ជា អនុរដ្ឋលេខាធិការ ក្រសួងការពារជាតិ បន្ថែមលើមុខងារបច្ចុប្បន្ន។
សូមបញ្ជាក់ថា បច្ចុប្បន្ន លោកឧត្តមសេនីយ៍ឯក ដួង ហេង មានតួនាទីជាមេបញ្ជាការរងកងអង្គរក្ស និងជាទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ផងដែរ៕
