ក្នុងឆ្នាំ២០២២ កម្ពុជាទទួលបានភ្ញៀវទេសចរអន្តរជាតិសរុបជាង ២លាននាក់

រយៈពេលពេញមួយឆ្នាំ២០២២ កម្ពុជាទទួលបានភ្ញៀវទេសចរអន្តរជាតិសរុបប្រមាណ២,២៨លាននាក់ ។ ចំនួននេះគឺកើនឡើងប្រមាណ១០៥៩ភាគរយ បើប្រៀបធៀបនឹងឆ្នាំ២០២១។ នេះបើយោងតាមរបាយការណ៍ស្ថិតិទេសចរណ៍ឆ្នាំ២០២២ ដែលក្រសួងទេសចរណ៍ បានចេញផ្សាយនៅថ្ងៃទី១៩ ខែមករា ឆ្នាំ២០២៣នេះ។

របាយការណ៍ បានឱ្យដឹងថា ទីផ្សារទេសចរណ៍សំខាន់ៗទាំង១០ ដែលចូលមកកម្ពុជា រួមមាន ថៃ វៀតណាម ចិន សហរដ្ឋអាមេរិក ឡាវ ឥណ្ឌូនេស៊ី កូរ៉េ បារាំង ម៉ាឡេស៊ី និងអង់គ្លេស។

ដោយឡែក ទេសចរផ្ទៃក្នុង ដែលរួមមាន ទេសចរជាតិប្រមាណ ១៣.៩៣ លាននាក់ កើនឡើង ១៩៩% និងទេសចរបរទេសប្រមាណ ១.៨៨ លាននាក់ កើនឡើង ៥៧២%។

ជើងហោះហើរអន្តរជាតិចូលសរុប ១០៩៣៨ ជើង ដែលរួមមាន អាកាសយានដ្ឋាន អន្តរជាតិភ្នំពេញ (PHN) មានចំនួន ៨៧៤០ជើង អាកាសយានដ្ឋានអន្តរជាតិសៀមរាប (REP)មាន ១៧៣៨ ជើង និងអាកាសយានដ្ឋានអន្តរជាតិព្រះសីហនុ (KOS)មាន ៤៦០ ជើង៕