បច្ចុប្បន្ននេះ រដ្ឋបាលរាជធានីភ្នំពេញ កំពុងតែដាំបង្គោលភ្លើងអគ្គិសនីលើទ្រូងផ្លូវមហាវិថីម៉ៅសេទុង ដើម្បីកែលម្អសោភណភាពបំភ្លឺភ្លើងនៅតាមដងផ្លូវ និងរៀបចំឱ្យបានរួចរាល់ជាស្ថាពរក្នុងរយ:ពេលពីរសប្តាហ៍ខាងមុខនេះ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
បើតាមការបញ្ជាក់របស់មន្ត្រីមន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងនាពេលថ្មីៗនេះថា បង្គោលភ្លើងជិត ១០០ដើមនឹងត្រូវបានដាំនៅលើទ្រូងផ្លូវតាមបណ្តោយមហាវិថីម៉ៅសេទុង ចាប់ពីស្ពានអាកាស៧មករា ដល់ស្តុបបូកគោ ដែលមានប្រវែងជិត១០គីឡូម៉ែត្រ ដើម្បីបំភ្លឺផ្លូវពេលយប់ និងរៀបចំធ្វើឱ្យរាជធានីភ្នំពេញ កាន់តែមានសោភណភាពស្រស់ស្អាតថែមទៀត។ ជាមួយគ្នានេះ ការងារដាក់បង្គោលភ្លើងនេះនឹងត្រូវបានធ្វើជាបន្តបន្ទាប់ដោយដាំបង្គោលនិងដាក់អំពូលភ្លើងលើទ្រូងផ្លូវបំភ្លឺទាំងសងខាងឱ្យសម្រេចជាស្ថាពរយ៉ាងយូរពីរសប្តាហ៍ប៉ុណ្ណោះ៕
