រយៈពេល ៤ថ្ងៃនៃពិធីបុណ្យអុំទូក បណ្តែតប្រទីប អកអំបុក និងសំពះព្រះខែ រមណីយដ្ឋាន ភូមិវប្បធម៌កម្ពុជា បានបើកអោយប្រជាពលរដ្ឋចូលទស្សនា ដើម្បីសាងអនុស្សាវរីយ៍ល្អៗមុនពេល រមណីយដ្ឋាន ភូមិវប្បធម៌កម្ពុជា គោរពលាពុកម៉ែបងប្អូនជារៀងរហូតតទៅ។
ទំព័រហ្វេសបុកផ្លូវការរបស់រមណីយដ្ឋាន ភូមិ វប្បធម៌ បានប្រកាសថា ជំរាបសួរពុកម៉ែបងប្អូន! ដើម្បីឆ្លើយតបនូវសំណូមពរជាច្រើនពីសំណាក់ប្រជាជនខ្មែរ រមណីយដ្ឋាន ភូមិវប្បធម៌កម្ពុជា យើងខ្ញុំមានសេចក្តីសមនស្សរីករាយនឹងបន្តបើក រហូតដល់ ថ្ងៃទី០២ ខែវិច្ឆិកា ឆ្នាំ២០២០។
ដោយសារជួបបញ្ហាវិបត្តិហិរញ្ញវត្ថុ ក្នុងអំឡុងវិរុសកូវីដរាតត្បាតការប្រកាសបិទ រមណីយដ្ឋានទេសចរណ៍ដ៏ធំក្នុងក្រុងសៀមរាបដែលធ្លាប់បើកបម្រើសេវាដល់អ្នកទេសចរជាតិ និងអន្តរជាតិជាង១៧ឆ្នាំ ធ្វើឲ្យបងប្អូនជាច្រើនមានការសោកស្តាយជាខ្លាំង។
សូមបញ្ជាក់ថានៅថ្ងែទី០៧ខែវិច្ឆិកាឆ្នាំ២០២០ខាងមុខនេះរមណីយដ្ឋានភូមិវប្បធម៌កម្ពុជាមានទីតាំងស្ថិតនៅក្នុងភូមិគ្រួសឃុំស្វាយដង្គំស្រុកសៀមរាបដែលមានចំងាយប្រមាណជា៣គីឡូម៉ែត្រពីទីរួមខេត្តសៀមរាបនិងត្រូវលាបងប្អូនជារៀងរហូត។
