លោក Joe Biden និងអ្នកស្រី Kamala Harris បានអញ្ជើញគោរពវិញ្ញាណក្ខន្ធពលរដ្ឋអាមេរិកាំងចំនួន ៤សែននាក់ ដែលបានស្លាប់ដោយសារជំងឺកូវីដ១៩ នៅល្ងាចថ្ងៃអង្គារ ម៉ោងនៅរដ្ឋធានីវ៉ាស៊ីនតោន មុនពេលអ្នកទាំងពីរស្បថចូលកាន់តំណែងនាថ្ងៃស្អែក។
អ្នកស្រីJill Biden ដែលជាភរិយារបស់លោក Biden និងលោក Doug Emhoff ដែលជាស្វាមីរបស់អ្នកស្រី Harris ក៏បានចូលរួមពិធីនេះផងដែរ ដើម្បីបំភ្លឺភ្លើងចំនួន ៤០០នៅឯស្រះទឹកមុខវិមានបូជនីយដ្ឋានអតីតប្រធានាធិបតី Lincoln (Lincoln Memorial Reflecting Pool) ដែលស្ថិតនៅចុងម្ខាងទៀត នៃវាល National Mall ទល់មុខអគារវិមានសភា ដែលនៅទីនោះលោកBiden និងអ្នកស្រីHarris នឹងត្រូវស្បថចូលកាន់តំណែងនៅថ្ងៃស្អែក។
នៅក្នុងពិធីគោរពវិញ្ញាណក្ខន្ធនេះ លោក Biden បានអំពាវនាវឲ្យពលរដ្ឋអាមេរិកាំងគ្រប់រូប ចងចាំជនរងគ្រោះ ដែលបានស្លាប់ដោយសារជំងឺកូវីដ១៩ និងចាប់ផ្តើមការផ្សះផ្សា៕
ប្រភព៖ VOA រូបភាព៖ AP
